बसचा भीषण अपघात, डंपरला धडकताच घेतला पेट; 13 जणांचा होरपळून मृत्यू, 25 जखमी

भोपाळ, 28 डिसेंबर : बस आणि डंपरची समोरासमोर धडक होऊन भीषण अपघात झाला. धडकेनंतर बस उलटली आणि आग लागून १३ जणांचा होरपळून मृत्यू झाला. तर २५ जण बसची काच तोडून बाहेर आल्याने वाचले. मध्य प्रदेशातील गुना इथं ही दुर्घटना घडली. या दुर्घटनेनंतर मुख्यमंत्री डॉक्टर मोहन यादव यांनी दु:ख व्यक्त केलं. बस दुर्घटनेच्या चौकशीचे आदेश देण्यात आले आहेत. मृतांच्या नातेवाईकांना प्रत्येकी ४ लाख रुपयांच्या आर्थिक मदतीची घोषणा केलीय तर जखमींना प्रत्येकी ५० हजार रुपये दिले जातील. या अपघाताची चौकशी केली जाईल आणि असे अपघात पुन्हा होणार नाहीत याची खबरदारी घेण्याचे आदेश परिवहन विभागाला देण्यात आले आहेत.