'आई मला त्रास होतोय...', टाके घालण्याऐवजी फेविक्विकने जखम चिकटवली, डॉक्टरचे अडीच वर्षांच्या मुलावर क्रुर उपचार

अडीच वर्षांच्या मुलाच्या डोळ्यावर उपचार करताना रुग्णालयाने फेविक्विक लावल्याचा धक्कादायक प्रकार घडला आहे. अडीच वर्षांच्या या लहान मुलाला खेळत असताना डोळ्याला दुखापत झाली, यानंतर मुलाचे पालक त्याला एका खासगी रुग्णालयात घेऊन गेले. रुग्णालयात डॉक्टरांनी मुलाच्या डोळ्यावर झालेल्या जखमेवर टाके घालण्याऐवजी फेविक्विक लावलं, यानंतर मुलाच्या डोळ्याची दुखापत वाढली तेव्हा पालक त्याला दुसऱ्या रुग्णालयात घेऊन गेले. 3 तासांच्या मेहनतीनंतर डॉक्टरांनी मुलाच्या डोळ्यावरचं फेविक्विक हटवलं आणि टाके घातले. आता याप्रकरणी मुलाच्या पालकांनी मुख्यमंत्री कार्यालयात तक्रार दाखल केली आहे.