IAS Santosh Verma: जोपर्यंत ब्राह्मण सून मिळत नाही तोपर्यंत आरक्षण राहणार, IAS संतोष वर्मा यांचे वक्तव्य

मध्य प्रदेश : अनुसूचित जाती आणि जमाती प्रवर्गातील अधिकारी आणि कर्मचाऱ्यांसाठी काम करणाऱ्या 'अजाक्स' या संस्थेचे प्रांताध्यक्ष, तथा ज्येष्ठ सनदी अधिकारी संतोष वर्मा यांच्या वक्तव्याची जोरदार चर्चा होत आहे. जोपर्यंत ब्राह्मण सून मिळत नाही तोपर्यंत मागास जातींसाठी देशात आरक्षण राहणार, असे वर्मा म्हणाल्याने त्यांच्याविरोधात समाज माध्यमांवर टीकेची झोड उठली आहे. तर काही जण त्यांच्या समर्थनार्थ देखील समाज माध्यमांवर लिहित आहेत. घटनाकार डॉ. बाबासाहेब आंबेडकरांना आरक्षणाच्या माध्यमातून सामाजिक समतेचीच अपेक्षा होती, असे सांगून शेकडो लोक वर्मा यांच्या बाजूने उभे राहिले आहेत. दुसरीकडे ब्राह्मण समाजाने मात्र आपल्या लेकीबाळींचा अवमान करण्यात आल्याचे सांगत आंदोलनाचा इशारा दिला आहे.