चंद्र, सुर्यानंतर आता कोणत्या ग्रहावर जाणार भारत? पुढील मिशनसाठी ISRO ची तयारी सुरू

नवी दिल्ली, 27 सप्टेंबर : भारताच्या शास्त्रज्ञांनी चांद्रयान 3 च्या माध्यमातून चंद्रावर यशस्वीरित्या पाऊल ठेवलं. त्यानंतर त्यांनी सूर्याकडे आपला मोर्चा वळवला आणि ‘आदित्य एल-1’ हे यान सूर्याच्या दिशेने पाठवलं. सूर्य व चंद्र अभ्यास मोहीम यशस्वीरित्या राबवल्यानंतर आता इस्रो सूर्यमालेतील इतर ग्रहांचा अभ्यास करण्याचा विचार करत आहे. त्यानुसार लवकरच शुक्र ग्रहाचा अभ्यास करण्यासाठी मिशन सुरू केलं जाईल, जेणेकरून या विश्वातील आणखी रहस्यं उलगडता येतील. इस्रोचे प्रमुख एस. सोमनाथ यांनी या बद्दल माहिती दिली आहे.