Jammu Kashmir News : पुलवामात सुरक्षा दलाची दहशतवाद्यांसोबत चकमक, एका दहशतवाद्याचा खात्मा

जम्मू-काश्मीरमधील पुलवामा येथे दहशतवादी आणि सुरक्षा दलांमध्ये चकमक सुरू आहे. लष्कराने एका दहशतवाद्याला ठार केले आहे. काश्मीर पोलिसांनी ही माहिती दिली आहे. पुलवामा जिल्ह्यातील अवंतीपोरा येथे सुरक्षा दलांनी दोन-तीन दहशतवाद्यांना घेरले. त्यापैकी एक मारला गेला, बरेच जण अजूनही लपून बसले आहेत. सध्या दोन्ही बाजूंनी गोळीबार सुरू आहे. लष्कराचे जवान दहशतवाद्यांना चोख प्रत्युत्तर देत असल्याची माहिती देण्यात आली आहे.

वृत्तानुसार, पाकिस्तानस्थित दहशतवादी गट जैश-ए-मोहम्मदचे दोन ते तीन दहशतवादी या भागात लपले असण्याची शक्यता आहे. लष्कराने आतापर्यंत एका दहशतवादीला ठार मारण्यात आले आहे. सध्या दोन्ही बाजूंनी गोळीबार सुरू आहे. दोन दिवसांपूर्वीच शोपियानमध्ये तीन दहशतवादी मारले गेले असताना आता पुलवामामध्ये दहशतवाद्यांसोबत चकमक सुरू आहे. चकमक सुरू असलेला परिसर पूर्णपणे सील करण्यात आला आहे.