Loksabha Election Result : भाजपची विजयी सलामी! निकालाआधीच जिंकली एक जागा

सूरत : लोकसभा निवडणुकीची मतमोजणी आज होणार आहे. देशात लोकसभेच्या ५४३ जागा असून यात सूरतची एक जागा भाजपने बिनविरोध जिंकली आहे. तिसऱ्या टप्प्यात या मतदारसंघात मतदान होते. मात्र अर्ज मागे घेण्याच्या शेवटच्या दिवशी दोन उमेदवारांपैकी एका उमेदवाराने अर्ज मागे घेतला. त्यामुळे भाजप उमेदवार बिनविरोध विजयी झाले. मुकेश दलाल असं उमेदवाराचं नाव असून त्यांच्याविरोधातील सर्व उमेदवारांनी आपले अर्ज मागे घेतले. २२ एप्रिलपर्यंत फक्त एकच उमेदवार मैदानात होता. भाजपच्या मुकेश दलाल यांच्याविरोधात काँग्रेसचे नीलेश कुंभानी यांनी अर्ज दाखल केला होता. मात्र त्यांचा अर्ज रद्द ठरवण्यात आला. गुजरात भाजपचे प्रदेशाध्यक्ष चंद्रकांत पाटील यांनी ट्विटरवरून मुकेश दलाल बिनविरोध विजयी झाल्याचं सांगितलं. याबद्दल मुकेश दलाल यांचे अभिनंदनही केलं आहे.