इथे लोकांचं एक होईना, पठ्याचं 20 दिवसांत 2 लग्न; गावात रंगला हाय व्होल्टेज ड्रामा

बिहार : बिहारच्या जमुई जिल्ह्याच्या मलयपूर परिसरातल्या एका युवकाने 20 दिवसांत दोन विवाह केले. विशेष म्हणजे हे दोन्ही प्रेमविवाह होते. यात फेसबुकवर मैत्री, त्यानंतर प्रेम आणि मग बळजबरीने विवाह अशा पद्धतीनं पहिलं लग्न झालं, तर डीजे वाजवत असताना हा युवक एका युवतीच्या प्रेमात पडला आणि कोर्ट मॅरेज झालं आणि त्याने दुसरा विवाह केला. जमुई जिल्ह्यातल्या मलयपूर पोलीस स्टेशन हद्दीतील अक्षरा गावात जेव्हा 19 वर्षांचा युवक 20 दिवसांत दुसऱ्यांदा प्रेमविवाह करून त्याच्या पत्नीसह घरी पोहोचला तेव्हा त्याची पहिली पत्नी तिची सवत पाहून नाराज झाली. त्यानंतर घरात हाय व्होल्टेज ड्रामा सुरू झाला. पहिल्या पत्नीने घडलेल्या प्रकाराबाबत 112 क्रमांकावर फोन करून पोलिसांना माहिती दिली. या प्रकरणाबाबत सविस्तर जाणून घेऊ या.