Operation Sindoor : 'ऑपरेशन सिंदूर'चा दणका, दहशतवादी मसूदच्या कुटुंबाचा खात्मा, 14 ठार?

भारताच्या एअर स्ट्राइकमध्ये मसूद अझहर मोठा धक्का बसला आहे. एका वृत्तसंस्थेने दिलेल्या वृत्तानुसार, जैश-ए-मोहम्मदचा प्रमुख मौलाना मसूद अझरच्या जवळच्या सूत्रांनी दिलेल्या माहितीनुसार, बहावलपूरमधील मदरशावर झालेल्या ऑपरेशन सिंदूर हल्ल्यात जैशचा प्रमुख मौलाना मसूद अझरचे सगळं कुटुंबीय ठार झाले. या हल्ल्यात त्याचा भाऊ आणि मोठी बहीणदेखील ठार झाल्याची माहिती आहे. याबाबत अद्याप अधिकृत तपशील समोर आला नाही.

जैश-ए-मोहम्मद'चा प्रमुख असलेल्या मसूद अझर हा भारताच्या हल्ल्यात ठार झाल्याची चर्चा आहे. मात्र, पहलगाम हल्ल्यानंतर पाकिस्तानी लष्कराने मसूद अझहर आणि हाफिज सईद यांना सुरक्षित ठिकाणी दाखल केल्याचे वृत्त होते. मात्र, त्याला अधिकृत दुजोरा मिळाला नाही. भारताच्या एअर स्ट्राइकमध्ये मसूद अझर बचावला गेला असल्याचे वृत्त आहे. कंदाहार विमान अपहरण प्रकरणात भारताने तीन दहशतवाद्यांची सुटका केली, त्यात मसूदचा समावेश होता. त्यानंतर त्याने जैशची स्थापना केली आणि भारतविरोधी कारवाया सुरू केल्या.