Indian Army ज़िन्दाबाद! पहलगाम हल्ल्याचा मास्टरमाइंड हाशिम मुसा खल्लास, भारतीय लष्कराचं थरारक ऑपरेशन
- Published by:Jaykrishna Nair
Last Updated:
Indian Army Killed Hashim Musa: पहलगाम हल्ल्याचा मास्टरमाइंड हाशिम मुसा हरवानच्या जंगलात भारतीय लष्कराच्या कारवाईत ठार झाला. विशेष दलाच्या उच्च-स्तरीय ऑपरेशनमध्ये तीन दहशतवाद्यांचा खात्मा करण्यात आला आहे.
श्रीनगर: जम्मू-काश्मीरमध्ये भारतीय लष्कराच्या विशेष दलाने दहशतवादाविरोधात मोठं यश मिळवलं आहे. पहलगाममधील भीषण दहशतवादी हल्ल्याचा सूत्रधार हाशिम मुसा याला ठार करण्यात लष्कराला यश आलं आहे. हा कारवाई विशेष दलाने अत्यंत जोखमीच्या आणि उच्च तीव्रतेच्या ऑपरेशनमध्ये केली.
हाशिम मुसा कोण होता?
हाशिम मुसा हा पाकिस्तानमधील दहशतवादी संघटनांशी संबंधित असून भारतात अनेक दहशतवादी हल्ल्यांमध्ये तो सक्रिय होता. पहलगाममध्ये झालेल्या हल्ल्यात 26 निष्पाप नागरिकांचे बळी गेले होते आणि त्यामागे मुसाचं मास्टरप्लॅनिंग असल्याचं गुप्तचर यंत्रणांनी उघड केलं होतं.
हरवानमधील घनदाट जंगलात भीषण चकमक
सोमवारी सकाळी हरवानजवळील दचिगामच्या जंगलात लष्कर आणि दहशतवाद्यांमध्ये जोरदार चकमक झाली. या चकमकीत तीन दहशतवाद्यांचा खात्मा करण्यात आला आहे. लष्कराच्या चिनार कॉर्प्सने ‘X’ वर पोस्ट करत ही माहिती दिली. त्यांनी म्हटलं, तीव्र चकमकीत तीन दहशतवाद्यांचा खात्मा करण्यात आला आहे. ऑपरेशन अजून सुरू आहे.
advertisement
एक महिना चाललेली शोधमोहीम
पहलगाम हल्ल्यानंतर सुरक्षाबलांनी मोठ्या प्रमाणावर शोधमोहीम सुरू केली होती. यामध्ये गुप्तचर यंत्रणांच्या समन्वयातून सतत माहिती संकलन सुरू होतं. याच माहितीच्या आधारे काही दहशतवादी हरवान आणि दचिगामच्या दिशेने गेल्याचं समजलं होतं. ही ठिकाणं श्रीनगरपासून अवघ्या 20 किमी अंतरावर आहेत.
ही कारवाई करत लष्कराने फक्त दहशतवाद्यांचा खात्माच केला नाही. तर एका मोठ्या दहशतवादी नेटवर्कला जबरदस्त धक्का दिला आहे.
view commentsLocation :
Mumbai,Maharashtra
First Published :
July 28, 2025 3:17 PM IST
मराठी बातम्या/देश/
Indian Army ज़िन्दाबाद! पहलगाम हल्ल्याचा मास्टरमाइंड हाशिम मुसा खल्लास, भारतीय लष्कराचं थरारक ऑपरेशन
