Priyanka Gandhi : हातात संविधान, प्रियांका गांधींनी घेतली खासदारकीची शपथ, आई, भावासोबत बहीणही संसदेत

दिल्ली : काँग्रेस नेत्या प्रियांका गांधी यांनी लोकसभेत खासदारकीची शपथ घेतली. गांधी घराण्यातील त्या नववी व्यक्ती आहेत ज्या संसदेत पोहोचल्या आहेत. प्रियांका गांधी वायनाड लोकसभा मतदारसंघात पोटनिवडणुकीत विजयी झाल्या आहेत. खासदारकीची शपथ घेताना हातात प्रतीक म्हणून संविधानाची लाल रंगातली कॉपी घेतली होती. प्रियांका गांधी काँग्रेसच्या स्टार प्रचारक आणि महासचिव होत्या. पण प्रत्यक्ष राजकारणात त्या उतरल्या नव्हत्या. आता त्या थेट राजकारणाच्या मैदानात उतरून संसदेत पोहोचल्या आहेत. संसदेत त्यांच्या एन्ट्रीमुळे विरोधकांची ताकद वाढेल अशी आशा केली जात आहे.