इंदिरा गांधींसारखं धाडस असेल तर ट्रम्प खोटारडे आहेत हे मोदींनी संसदेत सांगावं, राहुल गांधी यांचं ओपन चॅलेंज

नवी दिल्ली : युद्धकाळात राजकीय इच्छाशक्ती असायला लागते आणि सैनिकांना स्वातंत्र्य द्यावे लागते. लष्करी अधिकारी हे वाघासारखे असतात पण त्यांना मोकळीक द्यावी लागते. इंदिरा गांधी यांनी १९७१ साली सैनिकांना पूर्णपणे स्वातंत्र्य दिले आणि बांगलादेशची निर्मिती झाली. भारत पाकिस्तान लष्करी संघर्षाला अमेरिकेचे राष्ट्राध्यक्ष डोनाल्ड ट्रम्प यांनी विराम दिल्याचे ते स्वत: सांगतात. आतापर्यंत तब्बल २९ वेळा त्यांनी मीच भारत पाकिस्तान यांच्यात युद्धविराम केला, असे सांगितले. जर हे खोटे असेल तर पंतप्रधान नरेंद्र मोदी यांनी संसदेत सांगावे. जर त्यांच्यात इंदिरा गांधी यांच्यासारखे धाडस असेल तर ट्रम्प खोटारडे आहेत, हे त्यांनी देशाला सांगावे, असे उघड आव्हान लोकसभेचे विरोधी पक्षनेते राहुल गांधी यांनी दिले.