५ वर्षांपूर्वी लव्ह मॅरेज, 7 मिनिटं 29 सेकंदाचा VIDEO, पत्नीने धोका दिला अन् तरुणानं नको ते केलं...

आयुष्य संपवण्याच्या काही मिनिटे आधी या तरुणाने ७ मिनिटे २९ सेकंदांचा एक व्हिडिओ रेकॉर्ड केला, ज्यात त्याने आपली सर्व वेदना कॅमेऱ्यासमोर मांडली. हा व्हिडिओ सध्या सोशल मीडियावर व्हायरल झाला आहे. वाराणसीच्या लोहता पोलीस स्टेशन क्षेत्रातील बनकट गावातील रहिवासी असलेल्या तरुणाने पाच वर्षांपूर्वी तरुणीशी प्रेमविवाह केला. जात-पात, समाजाची चर्चा आणि नातेवाईकांचा विरोध डावलून दोघांनी प्रेमविवाह केला. त्यांना एक लहान मूलही आहे.

हे सुख फार काळ टिकले नाही. तरुणाच्या आयुष्यात वादळ तेव्हा आलं जेव्हा त्याची पत्नी शुभम सिंह उर्फ डेंजर नावाच्या तरुणाच्या संपर्कात आली. याच दुराव्यामुळे तरुण मानसिक तणावाखाली गेला. बाईकवरुन रेकॉर्ड केलेल्या या व्हिडिओमध्ये तरुण "मला जगायचे होते, असं वारंवार सांगत आहे मी माझ्या कुटुंबावर खूप प्रेम करतो, पण आता हा मानसिक ताण हा धक्का मला सहन होत नाही."

व्हिडिओमध्ये तरुणाने पत्नीवर फसवणुकीचे थेट आरोप केले आहेत. त्याची पत्नी शुभम सिंह उर्फ डेंजरसोबत मिळून राहत आहे, तसेच लाख विनंती करूनही ती त्याच्याशी बोलणे थांबवत नाही, असे त्याने म्हटले आहे. "मला माझ्या मुलाची खूप आठवण येते, पण पत्नी मला त्याला भेटू देत नाही. माझ्याकडे आता कोणताही मार्ग उरलेला नाही," असे म्हणत त्याने अखेर टोकाचं पाऊल उचलण्याचा निर्णय घेतला. त्याने आपल्या सासूवरही पत्नीला भडकावल्याचा गंभीर आरोप केला आहे.

तरुणाचा हा हृदयद्रावक व्हिडिओ व्हायरल झाल्यानंतर काही तासांतच त्याचा मृतदेह त्याच्या घरात गळफास लावलेल्या अवस्थेत आढळला. या घटनेनंतर संपूर्ण गावात शोककळा पसरली असून, कुटुंबात एकच आक्रोश सुरू आहे. तरुणाच्या आईच्या तक्रारीवरून पोलिसांनी त्याची पत्नी, तिचा प्रियकर, शुभम सिंह उर्फ डेंजर आणि तरुणाच्या सासूच्या विरोधात आत्महत्येसाठी प्रवृत्त केल्याचा गुन्हा दाखल केला आहे.

व्हिडीओ व्हायरल, पोलिसांकडून तपास सुरू

सोशल मीडियावर व्हिडीओ वेगानं व्हायरल झाला. या व्हिडीओमध्ये घेतलेल्या नावांवरुन पोलीस तपास करत आहेत. राहुलचा हा व्हिडीओ वाराणसीमध्ये चर्चेचा विषय बनला आहे.7 मिनिटांच्या या व्हिडीओमध्ये त्याने सांगितलं ते ऐकून प्रेम, नातेसंबंध यावरचा विश्वास उडाल्याच्या प्रतिक्रिया युजर्स सोशल मीडियावर देत आहेत.

Disclaimer: आत्महत्या करणं हा कोणत्याही समस्येवर तोडगा नाही. कोणत्याही अडचणीत असाल तर तुम्ही मानसिक तणाव दूर करण्यासाठी या हेल्पलाइन नंबरची मदत घेऊ शकता. मुंबई- 022-27546669, जीवन आधार: 1800-233-1250, काउन्सिलिंगसाठी हेल्पलाइन नंबर 14416 आणि 1800 8914416 नंबरवर तुम्ही संपर्क करु शकता.