लग्नाच्या मंडपात किंकाळ्या, वरातीतल्या मस्तीने वीराचा जीव घेतला, 6 वर्षांच्या चिमुरडीचा तडफडून मृत्यू

लग्नाच्या वरातीमध्ये डीजेवर नाचत असताना झालेल्या गोळीबारात 6 वर्षांच्या चिमुरडीचा मृत्यू झाला आहे. ही गोळी वराच्या मित्राच्या 6 वर्षांच्या मुलीच्या डोक्याला लागली. यानंतर तिला खाजगी रुग्णालयात नेण्यात आलं, पण वाटेमध्येच तिचा मृत्यू झाला. राजस्थानच्या खैरथल-तिजारा येथील मुंडावर येथे ही घटना घडली आहे. सोमवारी रात्री 10 वाजण्याच्या सुमारास जसई गावात लग्नानिमित्त डीजेच्या तालावर वरातीमधील लोक नाचत होते, तेव्हाच गोळीबार झाला यातली एक गोळी वरातीमधील मुलीच्या डोक्याला लागली, यानंतर जयपूरला उपचारासाठी नेत असताना रस्त्यातच तिचा मृत्यू झाला.