100 हून अधिक अल्पवयीन मुलींसोबत नको ते कृत्य, गोव्यात भाजप नगरसेवक मुलाला अटक; घाणेरडे व्हिडिओ करून केले व्हायरल

दक्षिण गोव्यातील कर्चोरेम महानगरपालिकेचे (Kurchorem Municipal Council) सदस्य सुशांत नाईक यांचा 20 वर्षांचा मुलगा सोहम नाईक याच्यावर अल्पवयीन मुलींवर बलात्कार करणे, त्यांचे अश्लील व्हिडिओ बनवणे आणि ते व्हायरल करणे असे गंभीर आरोप आहेत.

गोवा प्रदेश महिला काँग्रेसच्या वतीने काढण्यात आलेल्या निषेध मोर्चादरम्यान अमित पाटकर म्हणाले की, हे प्रकरण जितके समोर आले आहे, त्यापेक्षा कितीतरी मोठे असू शकते. आरोपी गेल्या तीन वर्षांपासून अशा कृत्यांमध्ये सामील होता आणि पीडित मुली कर्चोरेम, मडगाव, वास्को आणि फोंडा सारख्या भागातील आहेत.

या प्रकरणावर भाजप नेते सिद्धार्थ गौंस देसाई यांनी स्पष्ट केले की आरोपीचे वडील सुशांत नाईक यांचा पक्षाशी कोणताही संबंध नाही. ते एक अपक्ष राजकारणी आहेत आणि महानगरपालिका निवडणुका पक्षचिन्हावर लढवल्या जात नाहीत. देसाई यांनी पुढे सांगितले की त्यांनी स्वतः या प्रकरणातील निषेध आंदोलनाचे नेतृत्व केले होते आणि त्यानंतर आरोपीला अटक झाली.