‘PAN PAN’ कॉल, 236 प्रवासी असलेल्या विमानाच्या इंजिनने आकाशात घेतला पेट, काळजाचा ठोका चुकवणारी घटना, PHOTO

मिळालेल्या माहितीनुसार, नेपाळमधील काठमांडू विमानतळावरून इस्तंबूलकडे टर्किश एअरलाईन्सचं टीएचव्हाय 727 हे विमान दुपारी १.३८ वाजेच्या सुमारास इस्तंबूलकडे रवाना झाला होतं. विमानाने टेक ऑफ घेतल्यानंतर पायलटच्या लक्षात आलं की डाव्या इंजिनमध्ये आग लागली आहे. त्यामुळे पायलटने लगेच ‘PAN PAN’ असा कॉल दिला. विमानाला पुन्हा त्याच विमानतळावर लँडिंग करता आलं नाही त्यामुळे कोलकाता विमानतळावर इर्मजन्सी लँडिंग करण्याची सूचना देण्यातील.

पायलटने १.५१ वाजता याबद्दल कॉल दिला होता त्यानंतर आग आटोक्यात आली अशी माहिती दिली. पण इंजिन हे फेल झालं होतं. त्याामुळे एकाच इंजिनवर विमान सुरू होतं. या विमानात एकूण २३६ प्रवाशी होते. या विमानात आणखी ८ तास प्रवास करू शकेल इतकं इंधन होतं. विमानाला तातडीने कोलकाता विमानतळावर लँड करण्यासाठी सूचना देण्यात आली.

अखेर ठरलेल्या वेळेवर २.३१ वाजता विमानाने कोलकाता विमानतळावर इर्मरजन्सी लँडिंग करण्यात आलं. आधीच विमानतळावर अग्निशमन दल आणि रुग्णावाहिका सज्ज करण्यात आल्या होत्या. कोलकाता विमानतळावर रेड अलर्ट जारी करण्यात आला होता. विमान लँड झाल्यानंतर तातडीने रेस्क्यू ऑपरेशन राबवण्यात आलं. सर्व प्रवाशांना सुखरूपपणे खाली उतरवण्यात आलं. पायलटने प्रसंगावधानपणा दाखवल्यामुळे 236 प्रवाशांची जीव वाचला आहे.