American Presidential Election : 'कमला हॅरिस क्लिंटनच्या नोकर', अमेरिकेच्या महिला खासदाराचं वादग्रस्त वक्तव्य

मुंबई : अमेरिकेच्या राष्ट्रपतिपदाच्या निवडणुकीत डेमोक्रॅटिक पक्षाकडून संभाव्य उमेदवार म्हणून कमला हॅरिस यांच्या निवडीच्या चर्चांबाबत तुलसी गबार्ड यांनी चिंता व्यक्त केलीय. तुलसी या अमेरिकेतील पहिल्या हिंदू (माजी) खासदार आहेत. हॅरिस राष्ट्रपती बनल्या तर ते अमेरिकेसाठी धोकादायक ठरेल, तसंच हॅरिस या माजी परराष्ट्रमंत्री हिलरी क्लिंटन यांच्या नोकर आहेत, अशी टीका तुलसी यांनी केलीय. अमेरिकेच्या राष्ट्रपतिपदाच्या निवडणुकीतून जो बायडेन यांनी माघार घेतली आहे व संभाव्य उमेदवार म्हणून कमला हॅरिस यांना पाठिंबा दिला आहे. डेमोक्रॅटिक पक्षाने अधिकृतपणे कमला यांचं नाव जाहीर केलेलं नसलं तरी त्यांचं नाव निश्चित असल्याचं मानलं जातंय. दरम्यान, अमेरिकन काँग्रेसच्या माजी खासदार आणि अमेरिकेतल्या पहिल्या हिंदू खासदार तुलसी गबार्ड यांनी हॅरिस यांच्यावर धक्कादायक टीका केली आहे. हॅरिस या हिलरी क्लिंटन यांच्या नोकर असल्याचं त्यांनी म्हटलंय.