BREAKING : 105 प्रवाशांना घेऊन जाणारं विमान हेलकावे खात कोसळलं

विमान धावपट्टीवर लँडींग करत असताना, समतोल बिघडून हा अपघात झाल्याचं व्हिडीओत दिसत आहे. हा अपघात नेमका कसा झाला, याची अधिकची माहिती अद्याप उपलब्ध झाली नाही. मिळालेल्या माहितीनुसार, या विमानातून 105 प्रवासी प्रवास करत होते. तसेच विमानात इतर पाच कॅबिन क्रू मेंबर देखील होते.

अझरबैजन एअरलाइन्सचं हे विमान बुधवारी अझरबैजनच्या बाकू येथून रशियातील चेचन्या इथे जात होतं. दरम्यान या विमानाला कझाकस्तानच्या अक्ताऊ विमानतळाजवळ मोठा अपघात झाला आहे. या अपघातात अनेक लोक मृत्यूमुखी पडण्याची भीती व्यक्त केली जात आहे. व्हायरल झालेल्या व्हिडीओत विमानाने हेलकावे खात लँडींग करण्याचा प्रयत्न केला. यानंतर विमानात स्फोट झाल्याचं दिसत आहे. यानंतर धुराचे लोट घटनास्थळी दिसून आले आहेत.