कझाकस्तानमध्ये विमान कोसळलं, मृतांचा आकडा 38 वर, अपघाताचं कारणही आलं समोर

अक्ताऊ : बुधवारी कझाकस्तानमधील अक्ताऊ विमानतळावर प्रवाशी विमान कोसळलं आहे. यात 38 लोकांचा जागीच मृत्यू झाला आहे. तर 29 जणांना वाचवण्यात यश आलं आहे. जखमी प्रवाशांवर स्थानिक रुग्णालयात उपचार सुरू आहेत. रशिया आणि युक्रेनमध्ये सुरू असलेलं युद्ध आणि ड्रोन हल्ल्याची शक्यता, यामुळे हे विमान इमर्जन्सी लँडींगसाठी अझरबैजानला वळवण्यात आलं होतं. मात्र इमर्जन्सी लँडींग करत असताना या विमानाला अपघात झाला. या अपघाताचे अनेक व्हिडीओज समोर आले असून सोशल मीडियावर व्हायरल होत आहेत.