कझाकस्तान विमान दुर्घटना: पुतीन यांनी मागितली माफी, हल्ल्यामागचं कारणंही सांगितलं

नवी दिल्ली : रशियाचे राष्ट्राध्यक्ष व्लादिमीर पुतिन यांनी कझाकस्तान विमान अपघाताबद्दल माफी मागितली आहे. रशियाने या दुर्घटनेला 'दुःखद घटना' असं म्हटलं आहे. या घटनेबद्दल दिलगिरी व्यक्त करताना त्यांनी सांगितलं की, ही घटना तेव्हा घडली, जेव्हा रशियाचं हवाई संरक्षण दल युक्रेनच्या ड्रोन हल्ल्यांना प्रत्युत्तर देत होतं. यापूर्वी अझरबैजानचे अध्यक्ष इल्हाम अलीयेव यांनी पुतीन यांना सांगितलं होतं की, रशियाच्या हवाई हद्दीत या विमानावर हल्ला करण्यात आला होता. त्यानंतर या विमानाचे नियंत्रण सुटले आणि विमानाला अक्ताऊच्या दिशेने वळावं लागलं.