थरथरणारं शरीर, उठायचीही हिंमत नाही; मुंबईकरांचं रक्त सांडणाऱ्या दहशतवाद्याचा भयावह अंत

अब्दुल रहमान मक्की हा लष्कर ए तैबाचा कुख्यात दहशतवादी तर होताच. शिवाय तो या दहशतवादी संघटनेचा संस्थापक हाफिज सईदचा मेहुणा होता. यावरून त्याची दहशतवादी संघटनेतील भूमिका समजू शकते. 2008 मध्ये मुंबईत झालेल्या 26/11 च्या हल्ल्यामागील मुख्य सूत्रधारांपैकी मक्की हा एक होता. या हल्ल्यात 175 जणांचा मृत्यू झाला होता तर 300 हून अधिक जण जखमी झाले होते. UN ने 2023 मध्ये मक्कीला जागतिक दहशतवादी घोषित केले होते. शिवाय, त्यांची संपत्ती गोठवण्यात आली होती आणि त्यांच्या परदेश प्रवासावरही बंदी घालण्यात आली होती. अब्दुल रहमान मक्की याला हाफिज सईदची सावली मानलं जात होतं.