Trending:

BREAKING : आठवडाभरात दुसरी मोठी दुर्घटना, 181 प्रवाशांना घेऊन जाणारं विमान कोसळलं, पाहा VIDEO

Published by:Ravindra Mane

Last Updated:December 29, 2024 7:29 AM IST

Plane Crash In South Korea : दक्षिण कोरियात 181 जणांना घेऊन जाणारे विमान कोसळले असून 23 जणांचा मृत्यू झाला आहे.

इम्पॅक्ट शॉटतुमचा गेटवे लेटेस्ट न्यूज

नवी दिल्ली: मागील आठवड्यात बुधवारी कझाकस्तानच्या अक्ताऊ विमानतळावर अझरबैजान एअर लाइन्सच्या विमानाचा भीषण अपघात झाला होता. विमानाचं आपत्कालीन लँडींग करत असताना नियंत्रण सुटून विमान कोसळलं. या अपघातात पायलट, कॅबीन क्र्यूसह एकूण 38 जणांचा जीव गेला होता. ही घटना ताजी असताना आता दक्षिण कोरियामध्ये देखील असाच विमान अपघात झाला आहे. इथे 181 जणांना घेऊन जाणारे विमान कोसळले असून 23 जणांचा मृत्यू झाला आहे. लँडिंगच्या वेळी विमान धावपट्टीवरून घसरल्याने हा अपघात झाला.

रॉयटर्सने दिलेल्या वृत्तानुसार, दक्षिण कोरियाच्या मुआन आंतरराष्ट्रीय विमानतळावर एक विमान धावपट्टीवरून घसरलं. यानंतर अवघ्या १० सेकंदात नियंत्रण सुटलेल्या विमानाचा स्फोट झाला. या दुर्घटनेत आतापर्यंत 23 जणांचा मृत्यू झाल्याची माहिती समोर आली आहे.

मीडिया रिपोर्टनुसार, जेजू एअर लाइन्सचे विमान 175 प्रवासी आणि सहा फ्लाइट अटेंडंट्स यांना घेऊन थायलंडहून दक्षिण कोरियाला परतत होते. पण लँडिंग करत असताना विमानाला अपघात झाला. मुआन विमानतळ हे दक्षिण कोरियाच्या दक्षिण भागात आहे. स्थानिक मीडियाने शेअर केलेल्या फोटो आणि व्हिडीओजमध्ये विमानाचा मोठा स्फोट झाल्याचं दिसत आहे.

⚡️DRAMATIC moment South Korean plane with reported 180+ passengers becomes a fireball and crashes at airport CAUGHT on cam pic.twitter.com/VdrdavEXgT

— RT (@RT_com) December 29, 2024

योनहाप न्यूज एजन्सीनुसार, हे विमान बँकॉकहून येत होते. विमान धावपट्टीवरून घसरल्यानंतर विमानतळावरील कुंपणाला विमान धडकलं. स्थानिक वेळेनुसार ही दुर्घटना सकाळी 9 वाजून 7 मिनिटांनी झाली. या अपघातात 23 जणांचा मृत्यू झाल्याची माहिती आहे. यात अनेक जण जखमी झाले असून मृतांचा आकडा वाढण्याची भीती व्यक्त केली जात आहे. जखमींना तातडीने रुग्णालयात हलवण्याचं काम सुरू असून स्थानिक रुग्णालयात उपचार सुरू आहेत.

view comments

Location :

Delhi

First Published :

December 29, 2024 7:29 AM IST

///

BREAKING : आठवडाभरात दुसरी मोठी दुर्घटना, 181 प्रवाशांना घेऊन जाणारं विमान कोसळलं, पाहा VIDEO