मोठी बातमी: आता माणूस जगणार कॅन्सर हरणार, रशियानं कर्करोगावर बनवली लस

दिल्ली : सध्याच्या घडीला संपूर्ण जगात कर्करोगासारख्या गंभीर आजाराने ग्रस्त असलेल्या रुग्णांची संख्या वेगानं वाढताना दिसत आहे. अशात रशियाने संपूर्ण जगाला दिलासा देणारी बातमी दिली आहे. रशियाने सांगितले की, त्यांनी कर्करोगाची लस तयार केली आहे, जी रशियातील सर्व नागरिकांना विनामूल्य उपलब्ध असेल. सोमवारी (16 डिसेंबर), रशियन आरोग्य मंत्रालयाने जाहीर केले की, त्यांनी कर्करोगाविरूद्ध लस विकसित केली आहे, जी 2025 च्या सुरुवातीपासून रशियामधील कर्करोगाच्या रुग्णांना मोफत दिली जाईल. रशियन सरकारी मालकीची वृत्तसंस्था TASS नुसार, रशियन आरोग्य मंत्रालयाच्या रेडिओलॉजी मेडिकल रिसर्च सेंटरचे जनरल डायरेक्टर आंद्रे काप्रिन यांनी एका रशियन रेडिओ चॅनेलवर या लसीबद्दल माहिती दिली आहे.