US Election : डोनाल्ड ट्रम्प यांचा विजय अन् बदलणारे आंतरराष्ट्रीय राजकारण, जाणून घ्या...

ट्रम्प यांनी सप्टेंबरमध्ये विस्कॉन्सिनमधील एक प्रचार सभेत सांगितले होते की, "आम्हाला खूप वाईट वागणूक मिळाली आहे, मुख्यतः आमच्या मित्र राष्ट्रांकडून. आपले मित्र आपल्याशी जेवढे वाईट वागतात, तेवढे आपल्या शत्रूशीही वागत नाहीत. सैन्याच्या बाबतीत आम्ही त्यांचे रक्षण करतो आणि त्याऐवजी ते आपल्याला व्यापारी धोरणांच्या बाबतीत फसवतात. आता आम्ही हे होऊ देणार नाही."

NATO च्या संदर्भात ट्रम्प प्रशासनाने यापूर्वीच NATO सदस्य देशांना त्यांच्या संरक्षणावर अधिक खर्च करण्यास प्रवृत्त केले होते. दुसऱ्या कार्यकालात ट्रम्प NATO मधून बाहेर पडण्यासाठी प्रयत्न करू शकतात, पण NATOच्या चार्टरमध्ये बाहेर पडण्याची प्रक्रिया नाही. ट्रम्प यांचे परराष्ट्र धोरण मुख्यतः त्यांच्या स्वतःच्या दृष्टीकोनावर आधारित असतात. त्यांची थोडक्यात रणनीती म्हणजे ते नको असलेल्या करारांना रद्द करतात आणि सर्वसामान्य अमेरिकेच्या इंटरेस्टच्या दृष्टीने देशाचे संरक्षणात्मक धोरण स्वीकारतात.