Chandra Grahan 2023: कधी असेल सुतक? कोणत्या राशींसाठी ठरेल ग्रहण लाभदायक?

पूर्णिया, 14 ऑक्टोबर : येत्या 28 ऑक्टोबरला चंद्रग्रहण आहे. हे ग्रहण भारतासह इतर अनेक देशांमधून दिसेल. काही राशीच्या व्यक्तींसाठी हे ग्रहण आनंद घेऊन येईल, तर काही राशीच्या व्यक्तींसाठी मात्र अडचणी. परंतु घाबरू नका, या अडचणींवर उपायही जाणून घेऊया.

बिहारच्या पूर्णियाचे ज्योतिषी पंडित मनोत्पल झा यांनी दिलेल्या माहितीनुसार, 28 ऑक्टोबरला कोजागिरी पौर्णिमेच्या रात्री 1 वाजून 5 मिनिटांपासून ते 2 वाजून 24 मिनिटांपर्यंत चंद्रग्रहण असेल. या ग्रहणाच्या 9 तासांपूर्वी सुतक काळ सुरू होईल. या कालावधीत स्वयंपाक बनवून ठेवू नये. शिवाय ग्रहण काळात जेवणही करू नये. तर, ग्रहण समाप्तीनंतर आंघोळ करून महादेवाची पूजा करावी आणि गरजवंतांना दान द्यावं, असं ज्योतिषांनी सांगितलं.