Chandra Grahan 2026: काळी छाया चंद्राला लुप्त करायला येते! घरात खाण्या-पिण्याचे असे नियम पाळतात लोक

राहूची छाया आणि चंद्रग्रहणाचे महत्त्व - ज्योतिषशास्त्रानुसार जेव्हा पृथ्वी, सूर्य आणि चंद्र एका सरळ रेषेत येतात आणि पृथ्वीची सावली चंद्रावर पडते, तेव्हा चंद्रग्रहण होते. पौराणिक कथांनुसार, समुद्रमंथनाच्या वेळी अमृत प्राशन करणाऱ्या राहूचे शीर भगवान विष्णूंनी सुदर्शन चक्राने धडावेगळे केले होते. तेव्हापासून राहू वेळोवेळी सूर्य आणि चंद्राला ग्रासतो, अशी मान्यता आहे. चंद्र हा मन, भावना आणि मानसिक संतुलनाचा कारक मानला जातो. त्यामुळे जेव्हा तो राहूच्या प्रभावाखाली येतो, तेव्हा लोकांच्या मनात अस्वस्थता, अस्थिरता किंवा अनावश्यक ताण वाढू शकतो. हा काळ आत्मचिंतन आणि संयमाचा असतो, असे ज्योतिषाचार्य मानतात.

ग्रहण काळात काही खाणे वर्जित मानले जाते?ग्रहण काळात अन्न न घेण्याची परंपरा खूप जुनी आहे. असे मानले जाते की, या काळात वातावरणात नकारात्मक ऊर्जा वाढते, ज्यामुळे अन्नाची शुद्धता कमी होते. म्हणूनच लोक ग्रहण सुरू होण्यापूर्वी शिजवलेल्या अन्नात तुळशीची पाने टाकतात. ग्रामीण भागात आजही वडीलधारी माणसे सांगतात की, ग्रहणादरम्यान बनवलेले किंवा खाल्लेले अन्न आरोग्यावर विपरीत परिणाम करू शकते. विशेषतः गर्भवती महिलांना या काळात विशेष काळजी घेण्याचा सल्ला दिला जातो.

ज्योतिषशास्त्रीय समजुतीनुसार, ग्रहण काळात भोजन केल्याने मानसिक अशांती, पचनाच्या समस्या किंवा आळस वाढू शकतो. विज्ञान जरी या गोष्टींना दुजोरा देत नसले, तरी श्रद्धा असणारे लोक आजही या नियमांचे पालन करतात. अनेक कुटुंबांमध्ये ग्रहण संपल्यानंतर स्नान करून ताजे अन्न बनवण्याची पद्धत आहे, ज्याला शुद्धीकरणाचे प्रतीक मानले जाते.

कोणत्या राशींवर अधिक प्रभाव पडेल?ज्योतिषांच्या मते, ज्यांच्या पत्रिकेत चंद्र कमकुवत आहे किंवा राहूची महादशा सुरू आहे, त्यांनी या काळात विशेष सावध राहिले पाहिजे. मेष, कर्क आणि वृश्चिक राशीच्या व्यक्तींना मानसिक चढ-उतार जाणवू शकतात. अशा वेळी ध्यानधारणा, मंत्रजप आणि शांत वातावरणात वेळ घालवणे फायदेशीर ठरते.

काय करावे आणि काय टाळावे?ग्रहण काळात पूजा, मंत्रजप आणि ध्यान करणे शुभ मानले जाते. अनेक जण "ॐ चंद्राय नमः" या मंत्राचा जप करतात. गर्भवती महिलांना धारदार वस्तूंपासून लांब राहण्यास सांगितले जाते, जरी विज्ञानाकडे याचा ठोस पुरावा नसला तरी लोक परंपरेचा मान राखतात. ग्रहण संपल्यानंतर स्नान करून घरात गंगाजल शिंपडण्याची प्रथा देखील प्रचलित आहे, ज्यामुळे सकारात्मक ऊर्जा पसरते असे मानले जाते.(सूचना : येथे दिलेली माहिती ज्योतिषीय ज्ञानावर आधारित आहे. याला कोणताही शास्त्रीय पुरावा नाही. न्यूज 18 मराठी त्याची हमी देत नाही.)