Shravan: महादेवाच्या सगळ्यात प्रिय राशींमध्ये तुम्ही आहात? यंदाच्या श्रावणात चांगले दिवस, विवाह ठरणार

Marathi Shravan 2025 : श्रावण महिन्याला हिंदू धर्मात अत्यंत पवित्र आणि विशेष मानले जाते. या महिन्यात उत्साहाने लोक महादेवाची पूजा करतात, या काळात धार्मिक व्रत, उपवास आणि पूजा-अर्चांना खूप महत्त्व दिले जाते. श्रावण महिना भगवान शंकराला अत्यंत प्रिय आहे. पौराणिक कथेनुसार, समुद्रमंथनातून निघालेले हलाहल विष शंकराने प्राशन करून सृष्टीचे रक्षण केले. हे विष पचवण्यासाठी त्यांना शीतलता आवश्यक होती, ती श्रावण महिन्यात पर्जन्यवृष्टीमुळे मिळते असे मानले जाते. म्हणूनच या महिन्यात शिवावर जलाभिषेक केल्याने ते लवकर प्रसन्न होतात अशी धार्मिक श्रद्धा आहे.