Mangal Gochar 2025: वृश्चिक राशीत मंगळ गोचर झालं! सिंह, मकरसह 8 राशींवर शुभ प्रभाव दिसेल

Published by:Ramesh Patil

Last Updated:October 29, 2025 12:38 PM IST

Mangal Gochar In Scorpio 205 Positive Effects: ग्रहांचे सेनापती मंगळाने 27 ऑक्टोबर 2025 रोजी राशी परिवर्तन केले आहे. मंगळाने दुपारी 3 वाजून 53 मिनिटांनी वृश्चिक राशीत प्रवेश केला. मंगळ 7 डिसेंबर 2025 रोजी रात्री 8 वाजून 27 मिनिटांपर्यंत वृश्चिक राशीत राहील. त्यानंतर तो धनु राशीत गोचर करेल. वृश्चिक ही जल तत्त्वाची आणि स्थिर राशी आहे, जी रहस्य, अंतर्ज्ञान, परिवर्तन आणि सखोलतेचे प्रतीक मानली जाते. मंगळाचे वृश्चिक राशीतील गोचर जीवनातील लपलेले पैलू उघड करेल आणि आपल्याला आत्मपरीक्षणाची संधी देईल. मंगळाचे हे गोचर सर्व राशींना गहन चिंतन, परिवर्तन आणि आत्मपरीक्षणाची संधी देईल. या मंगळ गोचरामुळे 8 राशीच्या लोकांना आर्थिक लाभ आणि करिअरमध्ये प्रगती मिळेल. मंगळाच्या गोचराचा काही राशींवर होणारा शुभ प्रभाव खालीलप्रमाणे आहे.

1/8

कर्क: मंगळाचे गोचर कर्क राशीच्या 5 व्या भावात झाले आहे, जो प्रेम, शिक्षण आणि मुलांशी संबंधित असतो. मंगळ गोचरामुळे प्रेमसंबंध अधिक दृढ होतील, पण भावनिक चढउतार देखील राहतील. विद्यार्थ्यांसाठी हा काळ आपल्या अभ्यासावर लक्ष केंद्रित करण्याचा आहे. संततीकडून शुभ वार्ता मिळू शकतो.

2/8

सिंह: मंगळाचे हे गोचर सिंह राशीच्या 4 थ्या भावात झाले आहे. घर, कुटुंब आणि मालमत्तेशी संबंधित बाबी सक्रिय राहतील. घराची सजावट, वाहन किंवा मालमत्ता खरेदी करण्याची शक्यता राहील. आईच्या आरोग्याकडे लक्ष देणे आवश्यक आहे. कौटुंबिक संबंध अधिक दृढ होतील.

3/8

कन्या: मंगळाचे गोचर कन्या राशीच्या 3 ऱ्या भावात झाले आहे, ज्यामुळे साहस, संवाद आणि प्रवास वाढेल. भावंडांसोबतचे संबंध चांगले राहतील. लेखन, माध्यम आणि संवादाशी जोडलेल्या लोकांना फायदा होईल. तुमचे छोटे प्रयत्न मोठे परिणाम देऊ शकतात.

4/8

तूळ: मंगळाचे गोचर तूळ राशीच्या 2 ऱ्या भावात झाले आहे. मंगळाच्या गोचरामुळे तुमच्या वाणीत प्रभाव वाढेल, पण कटू बोलणे टाळा. आर्थिक लाभाची शक्यता आहे. कुटुंबासोबत वेळ घालवल्यानं नातेसंबंध अधिक मजबूत होतील. तुम्हाला वडिलोपार्जित संपत्तीतून लाभ मिळू शकतो.

5/8

वृश्चिक: मंगळाचे गोचर तुमच्या स्वतःच्या राशीत झाले आहे. स्वतःच्या राशीतील हे गोचर तुमचा आत्मविश्वास आणि व्यक्तिमत्त्व मजबूत करेल. लोक तुमच्या बोलण्याने प्रभावित होतील. नवीन योजना आणि निर्णय घेण्याची ही योग्य वेळ आहे. तथापि, घाई आणि अहंकार टाळणे आवश्यक आहे.

6/8

मकर: मकर राशीच्या 11 व्या भावात मंगळाचे गोचर मित्रमंडळींकडून लाभ आणि शुभ समाचार घेऊन येईल. तुम्हाला नवीन संपर्क आणि नेटवर्किंगमधून फायदा होईल. तुमचा सामाजिक दरारा वाढेल आणि तुमची मोठी उद्दिष्ट्ये पूर्ण होण्याची शक्यता आहे.

7/8

कुंभ: कुंभ राशीच्या 10 व्या भावात मंगळाचे गोचर झाले आहे, तो करिअरमध्ये प्रगतीचा संकेत देतो. उच्च पद आणि प्रतिष्ठा मिळण्याची शक्यता आहे. तुम्हाला वरिष्ठ अधिकारी आणि वरिष्ठांचे सहकार्य मिळेल. जबाबदाऱ्या वाढू शकतात, पण परिणाम सकारात्मक राहतील.

8/8

मीन: मंगळाचे गोचर मीन राशीच्या 9 व्या भावात झाले आहे. मंगळ गोचराचा प्रभाव भाग्य आणि धर्म यावर राहील. लांबच्या प्रवासाची शक्यता राहील. उच्च शिक्षण आणि अध्यात्मात प्रगती होईल. वडील आणि गुरुजनांचे सहकार्य मिळेल. अनेक ठिकाणी भाग्य तुमची साथ देईल.(सूचना : येथे दिलेली माहिती ज्योतिषीय ज्ञानावर आधारित आहे. याला कोणताही शास्त्रीय पुरावा नाही. न्यूज 18 मराठी त्याची हमी देत नाही.)

Mangal Gochar 2025: वृश्चिक राशीत मंगळ गोचर झालं! सिंह, मकरसह 8 राशींवर शुभ प्रभाव दिसेल

फोटो

ताज्या बातम्या