फक्त 3 दिवस वाट पाहा! वसंत पंचमीला 4 ग्रहांचा खास योग, 'या' राशींना होणार फायदा; कोणाला राहावं लागणार सावध?

शुक्रवार विद्या आणि कलेची अधिष्ठात्री देवता माता सरस्वतीचा जन्मोत्सव अर्थात 'वसंत पंचमी' साजरी केली जाणार आहे. ज्योतिषशास्त्राच्या दृष्टीने यंदाची वसंत पंचमी अत्यंत खास ठरणार आहे. या दिवशी आकाशात सूर्य, बुध, शुक्र आणि चंद्र या चार महत्त्वाच्या ग्रहांचा विशेष संयोग जुळून येत आहे. मकर राशीत सूर्य आणि बुधाच्या युतीमुळे 'बुधादित्य राजयोग' निर्माण होत आहे, तर मीन राशीत चंद्र आणि गुरूच्या शुभ स्थितीमुळे 'गजकेसरी योग' प्रभाव दाखवत आहे. ग्रहांची ही स्थिती काही राशींसाठी सुवर्णकाळ घेऊन आली आहे, तर काहींसाठी आव्हाने उभी करू शकते.

मेष: वसंत पंचमीला होणारा ग्रहांचा संयोग मेष राशीसाठी प्रगतीकारक आहे. नोकरीत पदोन्नतीचे प्रबळ योग आहेत. जर तुम्ही विद्यार्थी असाल, तर स्पर्धा परीक्षेत यश मिळवण्यासाठी हा सर्वोत्तम काळ आहे. अडकलेली कामे मार्गी लागतील आणि उत्पन्नाचे नवीन स्रोत निर्माण होतील.

मिथुन: तुमचा राशीस्वामी बुध सूर्यासोबत राजयोग बनवत आहे. संवाद कौशल्याच्या जोरावर तुम्ही मोठी कामे साध्य कराल. व्यापारात नवीन करार होतील. रखडलेले पैसे परत मिळतील आणि कुटुंबात आनंदाचे वातावरण राहील.

तुळ: शुक्राच्या प्रभावामुळे तुमच्या सुख-सोयींमध्ये वाढ होईल. मालमत्ता किंवा वाहन खरेदीचे स्वप्न पूर्ण होऊ शकते. वैवाहिक आयुष्यात गोडवा येईल. नवीन व्यवसायाची सुरुवात करण्यासाठी वसंत पंचमीचा मुहूर्त तुमच्यासाठी अत्यंत शुभ ठरेल.

मीन: तुमच्या राशीत चंद्राचे गोचर आणि गुरूची शुभ दृष्टी असल्याने तुम्हाला नशिबाची भक्कम साथ मिळेल. आत्मविश्वासात वाढ होईल. समाजात मान-सन्मान वाढेल. धार्मिक प्रवासाचे योग असून रखडलेले कायदेशीर प्रश्न सुटण्याची चिन्हे आहेत.

कर्क: ग्रहांची स्थिती तुमच्यासाठी थोडी मानसिक चिंता वाढवणारी ठरू शकते. आरोग्याकडे दुर्लक्ष करू नका. विनाकारण वादविवाद टाळा, अन्यथा मानसिक शांतता भंग होऊ शकते. खर्चावर नियंत्रण ठेवणे आवश्यक आहे.

वृश्चिक: मंगळ आणि शनीच्या प्रभावामुळे कामात अडथळे येऊ शकतात. प्रवासात सावधगिरी बाळगा. घाईघाईत कोणताही मोठा आर्थिक निर्णय घेऊ नका. कामाच्या ठिकाणी सहकाऱ्यांशी मतभेद होण्याची शक्यता आहे, संयम पाळा. टीप : (वरील माहिती सामान्य माहितीवर आधारीत आहेत. न्यूज 18 मराठी याची पुष्टी करत नाही. आपला उद्देश तुमच्यापर्यंत माहिती पोहोचवण्याचा आहे.)