weekly Horoscope in Marathi: 28 ऑक्टोबर ते 3 नोव्हेंबर 2024 या आठवड्याचं संपूर्ण साप्ताहिक राशीभविष्य

मेष (Aries): हा आठवडा मेष राशीच्या व्यक्तींसाठी शुभ असेल. जर तुम्ही काही काळापासून आजार किंवा शारीरिक वेदनांशी सामना करत असाल तर या आठवड्यात तुम्हाला त्यापासून आराम मिळेल. कामात येणारे अडथळे दूर करण्यासाठी सहकाऱ्यांची मदत होईल. परीक्षा आणि स्पर्धांची तयारी करणाऱ्या विद्यार्थ्यांना आठवड्याच्या सुरुवातीला एखादी चांगली बातमी मिळू शकते. करिअरसंदर्भात केलेला प्रवास यशस्वी ठरेल. मार्केट किंवा एखाद्या योजनेत अडकलेले पैसे अनपेक्षितपणे परत मिळतील. आठवड्याच्या उत्तरार्धात कुटुंबासोबत धार्मिक किंवा पर्यटनस्थळी जाण्याचे योग आहेत. या काळात तरुणाईचा बराचसा वेळ मौजमजेत जाईल. प्रेमसंबंधांच्या बाबतीत हा आठवडा खूप अनुकूल असेल. वैवाहिक जीवन आनंदी राहील. आरोग्य सर्वसाधारण राहील.
Lucky Color: Grey
Lucky Number: 6

वृषभ (Taurus): वृषभ राशीच्या व्यक्तींना या आठवड्यात नशिबाची पूर्ण साथ मिळेल. आठवड्याच्या सुरुवातीला करिअर किंवा व्यवसायाशी संबंधित मोठं यश मिळू शकतं. त्यामुळे घरात आनंदाचं वातावरण असेल. या काळात घरात धार्मिक किंवा शुभकार्यं आयोजित होतील. तुम्ही त्यासंबंधित कामांमध्ये खूप व्यग्र असाल. देवावरची श्रद्धा वाढेल आणि ज्येष्ठांचे आशीर्वाद प्राप्त होतील. शैक्षणिक क्षेत्रातल्या व्यक्तींसाठी हा काळ शुभ असेल. पैशांचा ओघ चांगला असेल आणि संपत्ती वाढेल. परदेशात करिअर करण्याचा विचार करणाऱ्यांच्या मार्गातील अडथळे दूर होतील. प्रपोज करण्याचा विचार करत असाल तर या आठवड्यात तुम्हाला यश मिळेल. लोक तुमच्या जोडीचं कौतुक करतील. वैवाहिक जीवन आनंदी राहील.
Lucky Color: Pink
Lucky Number: 5

मिथुन (Gemini) : मिथुन राशीच्या व्यक्तींना या आठवड्यात नवीन संधी मिळतील. जर तुम्ही खूप दिवसांपासून नोकरी किंवा व्यवसाय बदलण्याचा विचार करत असाल तर या आठवड्यात तुमचं स्वप्न पूर्ण होऊ शकतं. नोकरीच्या नवीन संधी मिळतील. कोणताही निर्णय घेण्यापूर्वी हितचिंतकांचा सल्ला घ्या. या आठवड्यात कुटुंबाशी संबंधित समस्येवर तोडगा काढण्यासाठी पालकांकडून पूर्ण सहकार्य मिळेल. तुमचे जवळचे मित्रदेखील सहकार्य करतील. आठवड्याच्या मध्यात व्यवसायासंदर्भात दूरचा प्रवास होऊ शकतो. या काळात तुमच्यासाठी उत्पन्नाचे नवीन स्रोत निर्माण होतील. संपत्तीत वाढ होईल. या आठवड्यात तुमच्या प्रेमसंबंधांमध्ये निर्माण झालेले गैरसमज दूर होतील. त्यासाठी मैत्रिणीची मदत होईल. सिंगल व्यक्तींच्या आयुष्यात कोणी तरी येऊ शकतं. जोडीदाराच्या भावनांकडे दुर्लक्ष न केल्यास वैवाहिक जीवन आनंदी राहील. हंगामी आजारांबाबत सतर्क राहा.
Lucky Color: Red
Lucky Number: 7

कर्क (Cancer) : कर्क राशीच्या व्यक्तींसाठी हा आठवडा खूप अनुकूल असेल. ऑफिसमध्ये वरिष्ठ आणि कनिष्ठ दोन्ही पातळ्यांवरून तुम्हाला सहकार्य मिळेल. तुमच्या कामाचं कौतुक होईल. तुम्हाला एखादं महत्त्वाचं पद किंवा जबाबदारी मिळू शकते. जे लोक दीर्घ काळापासून आपला व्यवसाय पुढे नेण्याचा विचार करत आहेत त्यांचं स्वप्न या आठवड्यात पूर्ण होऊ शकतं. सरकारी कामात येणारे अडथळे दूर होतील आणि आर्थिक फायदा होईल. एखाद्या प्रभावशाली व्यक्तीच्या मदतीने कोर्टाशी संबंधित प्रकरणं बाहेरच सोडवली जातील. वडिलोपार्जित मालमत्ता मिळण्यातील अडथळे दूर होतील. कौटुंबिक समस्या सोडवण्यासाठी भावंडांचं पूर्ण सहकार्य मिळेल. आठवड्याच्या उत्तरार्धात, नोकरदार महिला खूप व्यग्र असतील. त्यांना काम आणि घर यांच्यात संतुलन साधण्यात अडचणी येऊ शकतात. कामात घाई टाळा आणि वाहन काळजीपूर्वक चालवा. प्रेमसंबंध सर्वसाधारण असतील. कुटुंबासोबत आनंदात वेळ घालवण्याची संधी मिळेल.
Lucky Color: Orange
Lucky Number: 8

सिंह (Leo) : सिंह राशीच्या राशीच्या व्यक्तींना या आठवड्यात राग आणि अहंकार टाळावा लागेल. बोलताना सावधगिरी बाळगा. नाहीत र जुने नातेसंबंध बिघडू शकतात. इतरांची चेष्टा करू नका. या आठवड्यात तुम्हाला कामासोबतच शरीराची विशेष काळजी घ्यावी लागेल. नाही तर तुम्हाला शारीरिक आणि मानसिक त्रासांशी सामना करावा लागेल. कंत्राटी आणि कमिशनवर काम करणाऱ्यांसाठी आठवड्याचा मध्य शुभ असेल. या काळात तुम्ही विविध स्रोतांमधून नफा मिळवण्यात यशस्वी व्हाल. परदेशात व्यवसाय किंवा नोकरी करणाऱ्यांना अपेक्षित लाभ मिळेल. आठवड्याच्या शेवटी मुलांना मिळालेल्या यशामुळे तुम्ही आनंदी व्हाल आणि तुमचा सन्मान वाढेल. आठवड्याच्या उत्तरार्धात जोडीदारासोबत पर्यटन किंवा धार्मिक सहलीला जाऊ शकता. प्रेमसंबंधांच्या बाबतीत विचारपूर्वक पावलं उचला. आरोग्याची विशेष काळजी घ्या.
Lucky Color: Cream
Lucky Number: 2

कन्या (Virgo) : कन्या राशीच्या व्यक्तींसाठी हा आठवडा सर्वसाधारण असेल. आठवड्याच्या सुरुवातीला कामाचा ताण असेल. कामाच्या ठिकाणी इतरांचीदेखील जबाबदारी घ्यावी लागेल. जास्त मेहनत घेतल्यामुळे तुमच्याकडून चांगली कामगिरी घडेल. जर तुम्ही रोजगाराच्या शोधात असाल तर तुम्हाला अजून थोडी वाट बघावी लागेल. व्यवसायात भागीदाराचं पूर्ण सहकार्य मिळेल. आठवड्याच्या उत्तरार्धात तुम्हाला दिनचर्या आणि आहाराची विशेष काळजी घ्यावी लागेल. शारीरिक आणि मानसिक थकवा येईल. आईच्या तब्येतीचीही काळजी वाटेल. कोणत्याही कागदपत्रांवर सही करण्यापूर्वी ते नीट वाचा. प्रेमसंबंध सर्वसाधारण असतील. वैवाहिक जीवन आनंदी राहील. जीवनातील चढ-उतारात जोडीदार तुम्हाला आधार देईल.
Lucky Color: Yellow
Lucky Number: 4

तूळ (Libra) : या आठवड्यात तूळ राशीच्या व्यक्तींना नातेसंबंध आणि आरोग्याकडे जास्त लक्ष द्यावं लागेल. आठवड्याच्या सुरुवातीला घरात एखाद्या प्रिय व्यक्तीशी मतभेद किंवा वाद होऊ शकतात. अशा परिस्थितीत शांत चित्ताने आणि समजूतदारपणाने समस्येवर मात करण्याचा प्रयत्न करा. आठवड्याच्या सुरुवातीला घराच्या दुरुस्तीवर किंवा चैनीच्या गोष्टींवर बजेटपेक्षा जास्त खर्च केल्याने आर्थिक चिंता वाढेल. अचानक लांब किंवा कमी अंतराचा प्रवास करावा लागण्याची शक्यता आहे. खर्चिक आणि थकवणाऱ्या प्रवासामुळे मन थोडं निराश व दुःखी राहील. आठवड्याच्या उत्तरार्धात मुलाशी संबंधित असलेल्या एखाद्या व्यक्तीशी भेट होईल. त्यामुळे घरात आनंदी वातावरण असेल. व्यवसायाच्या दृष्टीने हा काळ शुभ असेल. प्रेमसंबंधांच्या बाबतीत हा काळ तुमच्यासाठी शुभ असेल. अविवाहित व्यक्ती एखाद्या व्यक्तीकडे आकर्षित होतील. आधीपासून प्रेमात असलेल्यांचे संबंध दृढ होतील.
Lucky Color: Black
Lucky Number: 1

वृश्चिक (Scorpio) : या आठवड्यात वृश्चिक राशीच्या व्यक्तींना त्यांच्या प्रयत्नांचं आणि मेहनतीचं पूर्ण फळ मिळेल. आठवड्याच्या सुरुवातीला करिअर आणि व्यवसायाशी संबंधित मोठी संधी मिळाल्याने तुम्ही आनंदी व्हाल. एखादा मोठा प्रकल्प किंवा संस्थेसोबत एकत्र काम करण्याची संधी मिळेल. नोकरदारांना नोकरीच्या ठिकाणी वरिष्ठ आणि कनिष्ठांचं पूर्ण सहकार्य मिळेल. व्यवसायाच्या संदर्भात उचललेली पावलं योग्य ठरतील आणि त्यात अपेक्षित प्रगती होईल. योजना किंवा व्यवसायात आधी केलेली गुंतवणूक फायदेशीर ठरेल. एखाद्या प्रभावशाली व्यक्तीच्या मदतीने तुम्ही जीवनाशी संबंधित एक मोठी समस्या सोडवू शकाल. जमीन आणि इमारतींशी संबंधित वाद चर्चेतून सोडवले जातील. प्रेमप्रकरणाच्या दृष्टीने हा आठवडा अतिशय शुभ असेल. प्रपोज करण्याचा विचार करत असाल तर या आठवड्यात त्यात यशस्वी व्हाल. जे आधीपासूनच प्रेमसंबंधात आहेत त्यांच्या जोडीदाराशी सुसंवाद वाढेल.
Lucky Color: Green
Lucky Number: 3 

धनू (Sagittarius) : या आठवड्यात धनू राशीच्या व्यक्ती कामात व्यग्र राहतील. आठवड्याच्या सुरुवातीला तुम्हाला कामानिमित्त लांब किंवा कमी अंतराचा प्रवास करावा लागू शकतो. प्रवास सुखकर आणि लाभदायक ठरेल. तुमची एका प्रभावशाली व्यक्तीशी भेट होईल. तिच्यासोबत तुम्हाला भविष्यात फायदेशीर योजनांमध्ये सहभागी होण्याची संधी मिळेल. कामात सतत गडबड होणाऱ्या व्यक्तींची सर्व कामं या आठवड्यात व्यवस्थित होतील. वरिष्ठांचं सहकार्य मिळेल आणि कनिष्ठांविषयी अशलेले गैरसमज दूर होतील. अचानक एखादं मोठं पद किंवा जबाबदारी मिळण्याची शक्यता आहे. कोर्टाशी संबंधित प्रकरणातील निर्णय तुमच्या बाजूने येईल. परदेशात व्यवसाय करणाऱ्यांना जास्त फायदा होऊ शकतो. प्रेमसंबंधांच्या दृष्टीने हा आठवडा शुभ असेल. नातेवाईक तुमचे प्रेमसंबंध स्वीकारून लग्नाला होकार देऊ शकतात. वैवाहिक जीवन आनंदी राहील. जोडीदाराच्या यशामुळे तुमचा मानसन्मान वाढेल.
Lucky Color: Sky Blue
Lucky Number: 9

मकर (Capricorn) : मकर राशीच्या व्यक्तींनी या आठवड्यात दिशाभूल करणाऱ्या व्यक्तींपासून सावध राहावं. ऑफिसमध्ये किंवा घरात एखाद्याच्या प्रभावाखाली येऊन चुकीचं पाऊल उचलू नका. नोकरदार व्यक्तींना आठवड्याच्या सुरुवातीला अतिरिक्त कामाचा बोजा सहन करावा लागू शकतो. कामात मित्र खूप उपयुक्त ठरतील. विद्यार्थ्यांसाठी हा काळ शुभ असेल. त्यांना आठवड्याच्या शेवटी एखादी चांगली बातमी मिळू शकते. व्यावसायिकांनी आठवड्याच्या मध्यात मोठा व्यवहार करताना आपल्या हितचिंतकांचा सल्ला घ्यावा. आर्थिक दृष्टिकोनातून हा काळ तुमच्यासाठी थोडा आव्हानात्मक असू शकतो. कोणत्याही योजनेत किंवा व्यवसायात विचारपूर्वक पैसे गुंतवा. प्रेमसंबंधात गैरसमज निर्माण झाले असतील तर संवादातून ते दूर करा. किरकोळ वादांचा अपवाद वगळता वैवाहिक जीवन आनंदी असेल.
Lucky Color: Brown
Lucky Number: 11

कुंभ (Aquarius) : कुंभ राशीच्या व्यक्तींसाठी हा आठवडा संमिश्र असेल. आठवड्याच्या सुरुवातीला कुटुंबाशी संबंधित समस्यांमुळे तुम्ही त्रस्त असाल. जमीन, वास्तू किंवा वडिलोपार्जित मालमत्तेशी संबंधित वादामुळे कोर्टात जावं लागू शकतं. कामाच्या ठिकाणी वरिष्ठांच्या रागाला सामोरं जावं लागू शकतं. रागाच्या भरात किंवा भावनेच्या आहारी जाऊन कोणताही निर्णय घेऊ नका. कामाच्या ठिकाणी सहकाऱ्यांच्या छोट्या गोष्टींना महत्त्व देणं टाळा. आठवड्याच्या उत्तरार्धात तुम्हाला आरोग्याकडे विशेष लक्ष द्यावं लागेल. या काळात सीझनल आजार होण्याची शक्यता आहे. त्यामुळे आहाराची विशेष काळजी घ्या. आठवड्याच्या उत्तरार्धात आर्थिक समस्या उद्भवू शकतात. तुम्हाला कर्ज घ्यावं लागू शकतं. प्रेमसंबंधात विचारपूर्वक पावलं टाका. जोडीदाराच्या भावनांचा आदर केल्यास वैवाहिक जीवन आनंदी राहील.
Lucky Color: Purple
Lucky Number:15

मीन (Pisces) : मीन राशीच्या व्यक्तींसाठी हा आठवडा शुभ असेल. आठवड्याच्या सुरुवातीला नशिबाची साथ मिळल्याने सर्व नियोजित कामं वेळेवर पूर्ण होतील. नोकरदार व्यक्तींना अपेक्षित पदोन्नती मिळू शकते. नोकरी बदलण्याच्या विचारात असलेल्यांना चांगल्या संधी मिळू शकतात. त्यापूर्वी हितचिंतकांचा सल्ला घ्या. या आठवड्यात तुम्ही चैनीच्या गोष्टींवर खूप पैसे खर्च कराल. घरामध्ये इच्छित किंवा बहुप्रतीक्षित वस्तू आणल्यामुळे आनंदाचं वातावरण असेल. भागीदारीत व्यवसाय करणाऱ्यांसाठी हा काळ अतिशय शुभ असेल. व्यवसायात लाभ आणि प्रगतीची शक्यता आहे. आठवड्याच्या उत्तरार्धात आळस टाळावा लागेल. नाही तर हाती आलेली चांगली संधी निसटू शकते. फिटनेसकडे लक्ष द्यावं लागेल. चांगल्या आरोग्यासाठी योग्य आहार घ्या. वैवाहिक जीवन आनंदी राहील.
Lucky Color: Blue
Lucky Number: 12