Tata Altroz ​​facelift 2025: 'जुनी बाटली नवी दारू', लाँच होण्याआधीच टाटाच्या टँकसारख्या कारचे PHOTO लिक

भारतातील प्रमुख कार उत्पादक कंपनी असलेल्या टाटा मोटर्स आता आपली आणखी टँकसारखी कार लाँच करणार आहे. २२ मे रोजी New Tata Altroz चं फेसलिफ्ट मॉडेल लाँच होणार आहे. आधीच्या Altroz पेक्षा नवीन कार ही थोडी वेगळी आहे. या मॉडेलच्या डिझाईनपासून ते इंटिरिअरमध्ये बरेच बदल करण्यात आले आहे. लाँच होण्याआधीच नव्या New Tata Altroz चे फोटो समोर आले आहे.

New Tata Altroz या आधी २०२० मध्ये लाँच झाली होती. त्यानंतर या अल्ट्रोझमध्ये स्पोर्ट व्हर्जन आणण्यात आलं होतं. त्यानंतर आता पूर्णपणे नव्या रुपात आणि नव्या ढंगात ही कार लाँच केली जाणार आहे. येत्या २२ मे रोजी ही कार लाँच होणार आहे.

टाटाच्या या नव्या अल्ट्रोझ फेसलिफ्टचे 5 व्हेरिएंट स्मार्ट, एक्म्पलिश्ड एस आणि एक्म्पलिश्ड+ एस उपलब्ध होणार आहे. यामध्यें डे-टाइम रनिंग लाइट्स, फुल-एलईडी स्प्लिट हेडलाईट्स, नवीन ग्रिल आणि नव्याने डिझाईन केलेलं बम्पर असणार आहे. या शिवाय कारमध्ये फ्लश-फिटिंग इल्यूमिनेटेड डोर हँडल आणि नवीन 16-इंचाचे 5-स्पोक अलॉय व्हिल्स दिले जाणार आहे.

नव्या Altroz मध्ये व्हेंटिलेटिड सीट, 10.2 इंच इन्फोटेन्मेंट सिस्‍टम, अपडेटेड अंबिएंट लाइट, ऑटो डिमिंग ओआरवीएम, पावर्ड ड्राइवर सीट सारखे फिचर्स दिले जाण्याची शक्यता आहे. सोबत एअरबॅग स्टँडनुसार आता ६ एअरबॅग असणार आहे. तसंच ADAS सुद्धा असणार आहे. कारमध्ये ३६० डिग्री कॅमेरा असणार आहे.

इलेक्ट्रिक सनरूफ, क्रूज कंट्रोल, रिअर एसी वेंट्स आणि एम्बिएंट लायटिंग सारखे फिचर्स असणार आहे. 5 नवीन कलर ड्यून ग्लो, एम्बर ग्लो, प्रिस्टीन व्हाइट, प्योर ग्रे आणि रॉयल ब्लू उपलब्ध असणार आहे. बाहेरील डिझाईनमध्ये अनेक असे बदल केले आहे.

अल्ट्रोझमध्ये सध्या 1.2-लिटर, 3-सिलेंडर टर्बो पेट्रोल इंजिन आहे. ते 120 ब्रेक हॉर्स पॉवर आणि 170 Nm टॉर्क निर्माण करतं. हे इंजिन 5-स्पीड मॅन्युअल ट्रान्समिशनसह आहे.

तसंच १.५ डिझेल असणार आहे. एवढंच नाहीतर सीएनजीचाही पर्याय दिला जाणार आहे. मार्केटमध्ये अल्ट्रोझचा मारुती बलेनो, हुंदई i20 आणि टोयोटा ग्लॅजासोबत असणार आहे.