Maruti ची 21 किमी मायलेज देणारी जबरदस्त कार, पण बंद करण्याची आली वेळ, हे कारण समोर

भारतात ऑटो इंडस्ट्रीमध्ये एक हाती सत्ता राखणारी मारुती सुझुकी आता लवकरच आपली ईलेक्ट्रिक कार लाँच करत आहे. पण दुसरीकडे आता मारुती सुझुकीने आपली दमदार मायलेज देणारी कार बंद करण्याचा निर्णय घेतला आहे.

मारुतीची कार सगळ्यात जास्त मायलेज देण्यासाठी ओळखली जाते. त्यामुळे मारुतीच्या कारची सर्वाधिक विक्री असते. पण माारुतीची CIAZ ही त्याला अपवाद ठरली आहे. मागील महिन्यात फक्त 590 सियाज कारची विक्री झाली. त्यामुळे कमी प्रमाणात विक्री झाल्यामुळे मारुतीने CIAZ कार बंद करण्याचा निर्णय घेतला आहे. १ एप्रिलपासून CIAZ कारचं उत्पादन कायमस्वरुपी बंद होणार आहे.

Ciaz ही मारुती सुझुकीची सेडान सेगमेंटमध्ये कार होती. बिझनेस क्लासमधील नोकरदारांना समोर ठेवून ही कार तयार करण्यात आली होती. 2022 मध्ये जेव्हा ही कार लाँच झाली तेव्हा 15869 कारची विक्री झाली होती. त्यानंतर २०२३ मध्ये 13,610 यूनिटची विक्री झाली. त्यानंतर पुढील वर्षी २०२४ मध्ये या कारच्या विक्रीमध्ये आणखी घट झाली.

२०२४ मध्ये सियाजचे फक्त 10337 यूनिटची विक्रा झाली. सध्या भारतीय ऑटो इंडस्ट्रीमध्ये एसयुव्ही गाड्यांची मागणी जास्त वाढली आहे. त्यामुळे सेडान कारच्या विक्रीत घट झाली आहे.

Ciaz ची एक्स शोरुम किंमत 9.41 लाख ते 11.11 लाख इतकी आहे. सियाजची विक्री घट होण्याचं कारण हे एसयुव्हीच्या विक्रीत वाढ असल्याचं ठरलं आहे. भारतात एंट्री लेव्हल कॉम्पॅक्ट एसयुव्ही याच किंमत सध्या मार्केटमध्ये उपलब्ध आहे. त्यामुळे याच किंमत सियाज घेण्याऐवजी ग्राहक हे एसयुव्ही कार खरेदीकडे वळाले.

इंजिन - सियाजमध्ये १.५ लिटर पेट्रोल इंजिन दिलं आहे. जे 104.6 PS ची पॉवर आणि 138 NM इतका टॉर्क जनरेट करतो. मायलेजचं बोलायचं झालं तर Ciaz डुअल–टोन व्हेरिएंट 20.65 kmpl (MT) आणि 20.04 kmpl (AT) की मायलेज देत होती.

या कारची लांबी ४,४४९ किमी तर रुंदी १७३० मीमी आणि उंची १४८० मीमी आहे. 2023 Ciaz चं व्हिलबेस २६५० मीमी आहे. ISOFIX चाईल्ड सीट एंकरेज आणि रियर पार्किंग सेंसर सुद्धा दिलं आहे .