Tesla करणार लवकरच मार्केट जाम, महाराष्ट्रात या ठिकाणी सुरू चाचणी, पहिला PHOTO

एकीकडे अमेरिकेकडून टॅरिफ वॉर सुरू आहे. तर दुसरीकडे भारतात एलन मस्क यांची टेस्ला कार लवकरच भारतात लाँच होणार आहे. टेस्ला जर भारतात आली तर तिची टक्कर थेट महिंद्रा, बीवायडी आणि टाटा सारखे ब्रँडशी असणार आहे. टेस्ला भारतीय ईव्ही बाजारपेठेवरही लक्ष ठेवून आहे आणि शक्य तितक्या लवकर या संधीचा फायदा घेण्याच्या तयारीत आहे. अलीकडे टेस्लाने मुंबई ऑफिसही थाटलं आहे तर आता टेस्ला मॉडेल Y आणि मॉडेल 3 EV भारतात लाँच करणार हे कन्फर्म झालं आहे

अलीकडे मुंबई-पुणे एक्सप्रेसवेवर टेस्ला मॉडेल वाय चाचणी करताना दिसली. मुंबई-पुणे एक्सप्रेसवेवर टेस्ला मॉडेल वायची चाचणीही कुणाच्याा नजरेस पडू नये अशी घेण्यात येत आहे. टेस्ला भारतात नवीनतम मॉडेल Y फेसलिफ्ट आणत आहे आणि ते खूपच दमदार असंच आहे. टेस्लाने जुन्या प्री-फेसलिफ्ट मॉडेलऐवजी नवीन मॉडेल आणण्याचा निर्णय घेतला आहे. ब्रँडने मुंबईतील बीकेसी आणि दिल्लीतील एक शोरूम भाड्याने घेण्यासाठी करार केला आहे. अशा वाहनांवरील आयात शुल्क कमी केल्यानंतर, अमेरिकेतील ब्रँडला त्याचा निश्चितच फायदा होईल. याव्यतिरिक्त, टेस्ला इतर भारतीय उत्पादकांप्रमाणेच त्यांची वाहने विकू शकेल.

प्री-फेसलिफ्ट टेस्ला मॉडेल Y प्री-फेसलिफ्ट टेस्ला मॉडेल Y ही मॉडेल 3 ची SUV सेगमेंट प्रकारासारखेच आहे.  नवीन मॉडेल Y आता पूर्णपणे नवीन डिझाइन आणि फिचर्ससह तयार केले आहे.  सुरुवातीला, त्यात नवीन सायबरट्रक-प्रेरित डीआरएल, सुधारित बोनेट आणि फ्रंट बंपर, नवीन टेललाइट डिझाइन आणि अलॉय व्हील डिझाइन (१९-इंच किंवा २०-इंच व्हिल) आहेत. 

टेस्लामध्ये कमीत कमी इंटीरियर डिझाइन वापरले जाते आणि नवीन मॉडेल वाय फेसलिफ्टमध्येही हाच दृष्टिकोन कायम आहे. आतील डिझाइनमध्ये फक्त काही बदल आहेत, टेस्लाने नवीन सीट फॅब्रिक्स जोडले आहे आणि कंपनीने पुढच्या सीटसाठी व्हेंटिलेशन फिचर्स सुद्धा दिले आहे.

मागील सीटवरील प्रवाशासाठी टेस्लाने समोरच्या आर्मरेस्टच्या मागे एक नवीन ८-इंच टचस्क्रीन दिली आहे. ज्यामध्ये एसी कंट्रोल्स, म्युझिक कंट्रोल्स आणि गेम्सचा समावेश आहे.

याशिवाय, त्यात १५.५-इंचाचा टचस्क्रीन पॅनेल आहे जो कारच्या बहुतेक फंक्शन्सवर नियंत्रण ठेवतो. असे म्हणता येईल की नवीन टेस्ला मॉडेल वाय अधिक दमदार असे दिसते आणि नवीन वैशिष्ट्यांच्या समावेशामुळे केबिनचा अनुभव आणखी चांगला झाला आहे.

मॉडेल Y फेसलिफ्टमध्ये पूर्वीप्रमाणेच पॉवरट्रेन वापरण्यात येईल. यात २ बॅटरी पॅक पर्याय आहेत. ६२.५ kWh बॅटरी आणि ७८.४ kWh बॅटरी. ६२.५ किलोवॅट क्षमतेची बॅटरी असलेली एकच मोटर २९५ बीएचपी पॉवर निर्माण करते आणि  रेंज ४६६ किमी आहे.

मोठी बॅटरी, ड्युअल-मोटर सेटअप आणि AWD सोबत, ४४४ bhp पॉवर जनरेट करते. कंपनीने  दावा केलेली रेंज ५५१ किमी आहे. टेस्लाने अद्याप भारतासाठी टेस्ला मॉडेल वायची किंमत जाहीर केलेली नाही. पण या कारची किंमत सुमारे ३५ लाख ते ४० लाख रुपये (ऑन-रोड, मुंबई) असू शकते.