HSRP नंबरप्लेट 'या' गाड्यांना लावण्याची नाही गरज; पाहा तुमची गाडी त्यामध्ये येते का? नियम आणि प्रक्रिया जाणून घ्या स्टेप बाय स्टेप

महाराष्ट्र परिवहन विभागाने एक मानक कार्यप्रणाली (SOP) जारी केली, या अंतर्गत सगळ्या बाईक आणि कारला HSRP नंबरप्लेट सक्तिचं करण्यात आलं आहे. यासाठी गाडी मालकांना मार्च 2025 पर्यंत मुदत देण्यात आली होती जी आता एप्रिल 2025 पर्यंत वाढवण्यात येत आहे. जर तोपर्यंत ही HSRP लावलं गेलं नाही तर नियमांनुसार दंड आकारला जाईल.

पण हा नियम लागु झाल्यानंतर सर्वसामान्यांच्या मनात अनेक प्रश्न निर्माण झाले. जसे की HSRP म्हणजे नक्की काय? ते कोणत्या गाड्यांना लावण्याची गरज आहे किंवा नाही? ते का गरजेचं आहे? ते कसं करायचं? त्यासाठी खर्च किती? आज आम्ही याबद्दल तुम्हाला माहिती सांगणार आहोत.

<strong>HSRP म्हणजे काय? (what is HSRP number plate)</strong>HSRP चा फूल फॉर्म आहे High Security Registration Plate (हाय सिक्युरिटी रजिस्ट्रेशन प्लेट). ही एक विशेष प्रकारची नंबर प्लेट आहे, जी चोरी, गैरवापर आणि बनावट नंबर प्लेट्स रोखण्यासाठी सरकारने अनिवार्य केली आहे. या प्लेटमध्ये एक खास क्रोमियम-आधारित होलोग्राम, लेसर-कोड आणि स्थायिक क्रमांक असतो, जो डुप्लिकेट नंबर प्लेट तयार होण्यापासून वाचवतो.

<strong>HSRP कोणत्या गाड्यांसाठी आवश्यक आहे? (HSRP required for which vehicles)</strong>सरकारच्या नियमानुसार, ज्या गाड्या 1 एप्रिल 2019 पूर्वी नोंदणीकृत झाल्या आहेत, त्यांना HSRP नंबर प्लेट लावणे अनिवार्य आहे.दोन चाकी (बाईक, स्कूटर)चार चाकी (कार, एसयूव्ही, जीप)कमर्शियल वाहन (ट्रक, बस, ऑटो रिक्षा)

जर तुमच्या गाडीची नोंदणी 1 एप्रिल 2019 नंतरची असेल, तर तुमच्या गाडीत आधीच HSRP असेल, त्यामुळे तुम्हाला नवीन नंबर प्लेट घेण्याची गरज नाही.

<strong>HSRP नंबर प्लेट का गरजेची आहे? (why HSRP number plate is mandatory)</strong>-HSRP नंबर प्लेट काढणे किंवा बनावट बनवणे अवघड असते, त्यामुळे चोरी झालेल्या गाड्या सहज सापडू शकतात.-वाहतूक पोलीस आणि RTO अधिकाऱ्यांना गाडीची खरी ओळख पटवणे सोपे होते.-डिजिटल रेकॉर्ड ठेवण्यासाठी उपयुक्त

<strong>HSRP नंबर प्लेट कशी मिळवायची? (how to get HSRP number plate)</strong>ही प्लेट मिळवण्यासाठी ऑनलाइन आणि ऑफलाइन दोन्ही पद्धत आहे.

<strong>ऑनलाइन पद्धत:</strong>अधिकृत HSRP च्या वेबसाइटवर जा.तुमच्या वाहनाचा रजिस्ट्रेशन नंबर टाका.गाडीची माहिती (चेसी नंबर, गाडीचा नंबर इ) द्या आणि तुमच्या जवळच्या RTO अथवा डीलरचा पत्ता निवडा.ऑनलाइन पेमेंट करा आणि अपॉइंटमेंट बुक करा.दिलेल्या तारखेला तुमच्या गाडीला HSRP प्लेट बसवून घ्या.

<strong>ऑफलाइन पद्धत:</strong>तुमच्या जवळच्या अधिकृत वाहन डीलर किंवा RTO ऑफिसमध्ये जा.आवश्यक कागदपत्रांसह अर्ज भरा.पैसे भरून पावती मिळवा.दिलेल्या वेळेनुसार नवीन नंबर प्लेट बसवून घ्या.

<strong>HSRP नंबर प्लेटसाठी खर्च किती? (HSRP number plate price)</strong>HSRP नंबर प्लेटचे शुल्क वाहनाच्या प्रकारानुसार वेगळे असते.दोन चाकी वाहन: ₹300 ते ₹500चार चाकी वाहन: ₹600 ते ₹1,200कमर्शियल वाहन: ₹1,500 ते ₹2,000

<strong>HSRP नंबर प्लेट लावली नाही तर काय होईल?</strong>जर तुम्ही वेळेत HSRP नंबर प्लेट लावली नाही, तर तुम्हाला वाहतूक पोलिसांकडून दंड आकारला जाऊ शकतो. अनेक राज्यांमध्ये ₹5,000 ते ₹10,000 पर्यंत दंड होऊ शकतो.