वयाच्या 70व्या वर्षी नीना कुळकर्णींच्या शिरपेचात मानाचा तुरा, अभिनेत्रीला नाट्यक्षेत्रातील महत्त्वाचा पुरस्कार जाहीर

मराठीतील एव्हरग्रीन अभिनेत्री नीना कुळकर्णी गेली अनेक वर्षी मराठी नाट्यसृष्टी, सिनेसृष्टी आणि मालिका विश्वात काम करत आहेत.

नीना कुळकर्णी यांनी मराठी रंगभूमीवर अनेक दर्जेदार नाटकांत काम केलं आहे. सध्या त्यांचं 'चारचौघी' हे मराठी नाटक सुरू आहे.

काही दिवसांआधीच त्यांनी वयाची सत्तरी पूर्ण केली. वयाच्या 70व्या वर्षी नीना कुळकर्णी यांच्या शिरपेताच मानाचा तुरा रोवला गेला आहे.

मराठी रंगभूमीवरील मानाचा समजला जाणारा नाट्य क्षेत्रातील विष्णुदास भावे गौरव पदक पुरस्कार नीना कुळकर्णी यांना जाहीर करण्यात आला आहे. 5 नोव्हेंबर रोजी रंगभूमिदिनी पुरस्काराचं वितरण होणार आहे.

नाट्य संमेलनाचे अध्यक्ष डॉ. जब्बार पटेल यांच्या हस्ते होणार पुरस्काराचे वितरण सोहळा पार पडणार आहे. अखिल महाराष्ट्र नाट्य विद्यामंदिर सांगलीच्या वतीने गेल्या 57 वर्षा पासून हा पुरस्कार दिला जातोय.

विष्णुदास भावे गौरव पदक, 25 हजार रोख रुपये, शाल श्रीफक असं पुरस्काराचं स्वरूप असणार आहे.

विष्णुदास भावे हे महाराष्ट्रातील प्रमुख नाटककार होती. मराठी रंगभूमीसाठी मोलाचं योगदान दिलं आहे. त्यांना महाराष्ट्र नाट्य कलेचे भरतमुनि म्हणून ओळखले जाते.