'...नाहीतर घरी बसून पोळ्या लाटायच्या', दोघेही एकाच क्षेत्रात, तरी अशोक सराफ पत्नी निवेदिता यांना असं का म्हणाले होते?

नवरा आणि बायको एकाच क्षेत्रात असतील आणि त्यातही दोघे कलाकार असतील तर लग्नानंतर बऱ्याचदा अभिनेत्रीचं करिअर थांबायच. अभिनेत्याला कोणतंच बंधन नसायचं. पण काळ जसा पुढे सरकत गेला तशी ही समीरकरणं देखील बदलत गेली. अभिनेत्री नीतू कपूर या लग्नानंतर संसार करण्यासाठी घरी बसल्या पण त्याची सून आलिया भट्ट मात्र लग्नानंतरही काम करतेय.

अभिनेत्रीचं लग्न झालं की तिला डिमांड कमी होतोस तिची काम कमी होतात असं म्हटलं जातं. मराठीतही असं होतं का? असा प्रश्न विचारला असता निवेदिता सराफ म्हणाल्या, "सगळ्यांनी आता हे खोटं ठरवलं आहे. आता आलिया भट्ट, करिना कपूर यांच्याकडे बघा, त्या काम करतात. मराठीतही कितीतरी अभिनेत्री आहेत, मधुरा काम करतेय, प्रिया बापट धैर्याने उत्तम उत्तम रोल केले त्यातील एक सिटी ऑफ ड्रिम. उमेशही... ते उत्तम व्यावसायिक कपल आहे."

"हे सगळं त्यावर डिपेंड आहे की तुमचं कोणाशी लग्न झालं आहे. आता माझा नवरा तर अतिशय पर्टिक्युलर होता. त्याचं म्हणणं असायचं की इथे काम करायला आला ना, मग ते काम करायचं. नाहीतर घरी बसून पोळ्या लाटायच्या."

"तिकडे मी असं चालेल का, तसं चालेल का? तर नाही. तो टोटल प्रोफेशनल आहे. मग ते करायचं तिकडे. कारण तो तुमच्या कामाचा भाग आहे. ते तुमचं वैयक्तिक नाही, तो तुमच्या कामाचा भाग आहे."

निवेदिता सराफ यांनी पुढे सांगितलं, "आज नर्सेसनी जाऊन बेड पॅन द्यावा लागतो तो त्यांच्या कामाचा भाग आहे. उद्या तुम्ही म्हणाल ही फिमेल नर्स आहे, हिचं लग्न झालंय, हिने का अशी का काम करायची, तर तो त्यांच्या कामाचा भाग आहे."

"आज मेल गायनॅकोलॉजिस्ट असतात, तो त्यांचा कामाचा भाग आहे. तुम्ही असं नाही म्हणून शकत की आज मी त्या गायनॅकलॉजिस्टकडे नाही जात."

निवेदिता सराफ यांनी पुढे सांगितलं, "अभिनय करताना कलाकाराबरोबर जवळीक येणं हा तुमच्या कामाचा भाग आहे. कधी होत असेल की तुम्ही स्वत:ला व्यवस्थित मेंटेन केलं नसेल, तुम्ही जर वेडंवाकडं जाड होऊन दिलं, तुम्ही स्वत:ला ग्रुम नाही केलं तर त्याचा परिणाम होऊ शकतो. पण जर तुम्ही स्वत:ला नीट मेन्टेन केलं तर मला नाही वाटत की तुमचं लग्न झालं आहे म्हणून कोणता प्रोब्लेम येईल."