Best Action Film : हिरोचं डोकं फिरलं, 1 तास 48 मिनिटमध्ये संपवलं खलनायकाचं अख्खं कुटुंब, शेवट थरारक!

तुम्हाला ॲक्शन फिल्म्सची आवड असेल तर आम्ही तुम्हाला एका दमदार, खतरकनाक ॲक्शन पॅक सिनेमाविषयी सांगणार आहोत. जेव्हा हिरोचं डोकं फिरतं आणि तो खलनायक आणि त्याचं संपूर्ण कुटुंब एकाच वेळी उध्वस्त करतो. 1 तास 46 मिनिटांचा हा चित्रपट ॲक्शनने भरलेला आहे.

2024 मधील ॲक्शन पॅक सिनेमा ज्याने गेल्या अडीच महिन्यांपासून ओटीटीच्या ट्रेंडिंग लिस्टवर कब्जा केला आहे. चित्रपट सुरुवातीपासून शेवटपर्यंत दमदार ॲक्शनने भरलेला आहे. 'किल' असं या चित्रपटाचं नाव आहे.

'किल' हा 2024 सालातील सर्वोत्कृष्ट ॲक्शन चित्रपटांपैकी एक आहे. हा चित्रपट यावर्षी 5 जुलै रोजी थिएटरमध्ये प्रदर्शित झाला. यामध्ये लक्ष्यने मुख्य भूमिका साकारली आहे. त्याचबरोबर तान्या मणिकलता, राघव जुयाल, आशिष विद्यार्थी, हर्ष छाया, मीनल कपूर आणि इतर अनेक स्टार्स महत्त्वाच्या भूमिकेत दिसत आहेत.

या चित्रपटाचे जवळपास संपूर्ण शूटिंग ट्रेनमध्ये झालं आहे. 'किल'ची कथा एनएसजी कमांडो अमृत राठोड (लक्ष्य) आणि तुलिका यांच्याभोवती फिरते. अमृत ​​आणि तुलिका रांचीहून दिल्लीला जाणाऱ्या ट्रेनमध्ये चढले. यादरम्यान तुलिकाचे संपूर्ण कुटुंब तिच्यासोबत असते. मात्र काही वेळाने दरोडेखोरांची टोळीही त्याच ट्रेनमध्ये चढते.

ट्रेन सुरू होताच सशस्त्र दरोडेखोर प्रवाशांची लूट सुरू करतात. चित्रपटात राघव जुयालने मुख्य खलनायकाची भूमिका साकारली असून ट्रेनमध्ये उपस्थित असलेले सर्व दरोडेखोर त्याच्या कुटुंबातील आहेत. राघवच्या भूमिकेचं नाव फानी आहे. तो विक्षिप्त प्रकारचा मुलगा आहे. त्याची नजर ट्रेनमध्ये तुलिकावर पडते आणि मग तो तिचा विनयभंग करू लागतो.

अमृत ​​तुलिकाला फानीपासून वाचवण्याचा खूप प्रयत्न करतो पण अपयशी ठरतो. फानीच्या हल्ल्यामुळे तुलिकाला आपला जीव गमवावा लागतो. यानंतर अमृतला इतका राग येतो की तो फानी आणि तिच्या संपूर्ण कुटुंबाला ट्रेनमध्येच मारतो. चित्रपटात अवघ्या 15 मिनिटांनंतर ॲक्शन सुरू होते, जी क्लायमॅक्सपर्यंत सुरू राहते.

चित्रपट एक सेकंदही डोळे मिचकावण्याची संधी देत ​​नाही. 'किल'मध्ये अशी अनेक भयानक दृश्ये आहेत, जी कमकुवत मनाच्या लोकांना बघता येणार नाहीत. आश्चर्यकारक गोष्ट म्हणजे हा चित्रपट 6 सप्टेंबर 2024 रोजी OTT Disney Plus Hotstar वर प्रदर्शित झाला आणि अजूनही ट्रेंडिंग लिस्टमध्ये आहे.