बॉलिवूडच्या फेमस अभिनेत्रीवर फिदा होता दाऊद इब्राहिम! अंडरवर्ल्डच्या भीतीने सोडला देश; आज जगतेय असं आयुष्य

बॉलिवूडवर अंदाऊद इब्राहिमचा प्रभाव होता. चित्रपटातील कलाकार दाऊदच्या समोर झुकत असत. अनेक सुंदर स्त्रियांवर दाऊदचं लक्ष असायचं, काही त्याच्याच्या प्रेमात पडायच्या तर काही त्याच्यापासून दूर राहायच्या.

अभिनेत्री जैस्मीन धुन्नाला 1988 मध्ये आलेल्या 'वीराना' या हॉरर चित्रपटामुळे चांगलील लोकप्रियता मिळाली. लोकप्रियतेच्या शिखरावर पोहोचलेल्या या अभिनेत्रीला इंडस्ट्रीतून गायब व्हावं लागलं होतं.

‘वीराना’ ही रामसे ब्रदर्स यांनी दिग्दर्शित केलेली एक लो-बजेट हॉरर फिल्म होती. फक्त 60 लाख रुपयांत या चित्रपटाची निर्मिती करण्यात आली होती. तरीही, या चित्रपटाने तब्बल 1.5 कोटी रुपयांची कमाई केली आणि त्या काळातील सर्वाधिक चर्चेत असलेल्या हॉरर चित्रपटांपैकी एक ठरला. या चित्रपटात जैस्मीनने एक रहस्यमय आणि भयावह महिलेची भूमिका साकारली होती.

सौंदर्य आणि "मिल्की ब्यूटी" इमेजमुळे जैस्मीनला एक वेगळी ओळख मिळाली. फार कमी लोकांना माहिती आहे की जैस्मीनने वयाच्या 13 वर्षी इंडस्ट्रीत पाऊल ठेवलं होतं. ‘हातिम ताई’, ‘सरकारी मेहमान’ आणि ‘तलाक’सारख्या चित्रपटांमध्ये तिने छोट्या भूमिका साकारल्या होत्या. पण ‘वीराना’नंतर तिच्या करिअरला जणू पूर्णविरामच लागला. अभिनेत्री अचानक गायब झाली.

जैस्मीन अंडरवर्ल्ड डॉन दाऊद इब्राहिममुळे गायब झाली असल्याचं म्हटलं जातं. मीडिया रिपोर्ट्सनुसार, दाऊद जैस्मीनवर फिदा होता. असं म्हणतात की ती जिथे-जिथे जायची, तिथे दाऊद किंवा त्याची माणसे पोहोचायचे. तिला महागड्या भेटवस्तू पाठवल्या जायच्या आणि सतत संपर्क साधण्याचे प्रयत्न होत होते. हे सगळं जैस्मीनला खूप अस्वस्थ करू लागलं. काही रिपोर्ट्समध्ये असा दावाही करण्यात आला आहे की तिला धमक्याही मिळू लागल्या होत्या. या सर्व गोष्टींचा सामना न करता आल्याने जैस्मीनने गायब होण्याचा निर्णय घेतला.

जैस्मीनच्या अचानक गायब होण्यामागे अनेक तर्कवितर्क लढवले जातात. काही लोकांचं म्हणणं आहे की तिने देश सोडला आहे, तर काहीजण असं मानतात की अंडरवर्ल्डच्या भीतीमुळे तिने स्वतःला समाजापासून पूर्णपणे दूर केलं आहे. ‘वीराना’मधील तिचे सहकलाकार हेमंत बिरजे यांनी एका मुलाखतीत दावा केला होता की जैस्मीन आता अमेरिकेत राहते आणि एक यशस्वी व्यावसायिका आहे.

जैस्मीन भारतातून गायब झाल्यानंतर तिची अधिकृतरित्या काही माहिती समोर आलेली नाही. पण, काही मीडिया रिपोर्ट्समध्ये हेही नमूद करण्यात आलं आहे की जैस्मीनचं खरं नाव जैस्मीन भाटिया आहे आणि तिने राहुल तुगनैत नावाच्या एनआरआयशी लग्न केलं आहे.