'माझं तुझ्यावर प्रेम आहे'; जय भानुशालीसोबतच्या घटस्फोटानंतर सात दिवसांतच या स्पेशल व्यक्तीसाठी माही वीजची खास पोस्ट

छोट्या पडद्यावरील प्रसिद्ध अभिनेत्री माही विज सध्या चर्चेत आहे. अभिनेता जय भानुशालीसोबत घटस्फोट घेतल्यानंतर माही विजने आता तिच्या एका खास व्यक्तीसाठी पोस्ट शेअर केली आहे, जी सोशल मीडियावर प्रचंड व्हायरल होत आहे.

माहीने त्या खास व्यक्तीसोबत फोटो शेअर करत भावनिक कॅप्शनही लिहिले आहे. माहीचे चाहतेही जाणून घेऊ इच्छित आहेत की तिने ज्या व्यक्तीसाठी इतकं प्रेमळ आणि लांबलचक कॅप्शन लिहिलं आहे, ती व्यक्ती नेमकी कोण आहे? चला तर मग जाणून घेऊया माही विजने ही खास पोस्ट कुणासाठी केली आहे.

टीव्ही अभिनेत्रीने इन्स्टाग्रामवर ज्या व्यक्तीसाठी पोस्ट शेअर केली आहे, तो तिचा बेस्ट फ्रेंड नदीम आहे. माहीने नदीमसोबतचा एक फोटो शेअर केला आहे.

माहीने नदीमला केक भरवतानाचा फोटो शेअर केला आहे. हा फोटो शेअर करण्यासोबत तिने कॅप्शनही लिहिले आहे," "ज्याची मी निवड केली आहे, तो काही योगायोग नाही तर मनापासून घेतलेला निर्णय आहे".

माहीने लिहिलं आहे,"तुला वाढदिवसाच्या खूप खूप शुभेच्छा. तू मला न बोलताही समजून घेतोस आणि नेहमी स्वतःहून माझ्या पाठीशी उभा राहतोस. तू फक्त माझा जिवलग मित्र नाहीस, तर माझा आधार, माझी ताकद आणि माझं घर आहेस.’

माहीने पुढे लिहिलं आहे,"आपण कधी कधी भांडतो आणि शांतही होतो पण शेवटी आपण पुन्हा एकमेकांकडेच येतो, कारण नदीम आणि माही मनाने एकमेकांशी जोडलेले आहेत. आयुष्य सोपं नव्हतं, पण तुझ्यासोबत सगळं अधिक चांगलं वाटतं. मी तुझ्यावर प्रेम करते, नदीम—आजही आणि कायम. कारण तू मला सुरक्षित वाटू देतोस आणि मीही तुझ्यासोबत माझ्या सगळ्या गोष्टी शेअर करते".

जय भानुशाली आणि माही विज हे टीव्हीवरील पॉवर कपल मानले जात होते. पण आता दोघांचे मार्ग वेगळे झाले आहेत. दोघांनी 11 नोव्हेंबर 2011 रोजी लग्न केले होते आणि आता त्यांनी घटस्फोट घेतला आहे. ते तीन मुलांचे पालक आहेत. जय आणि माही वेगळे झाले असले तरी, त्यांनी एकमेकांशी मैत्री टिकवून ठेवण्याचा निर्णय घेतला आहे.