प्रेम करून झालं! व्हॅलेंटाईन वीक संपला, आता फॅमिलीसोबत बघा हे 5 मराठी चित्रपट; शेवटचा पाहून आईला मिठीच माराल 

मराठी सिनेमा पाहाच. शेवटचा पाहून तर तुम्ही रडाल आणि आईला जाऊन मिठी माराल. फॅमिलीसोबत बसून पाहायलाच हवे असे सध्याचे ट्रेडिंग मराठी सिनेमे कोणते आहेत पाहूयात. " width="1200" height="900" /> तरूणांना, मिड एज वाल्यांनो प्रेम करून झालं असेल! कारण व्हॅलेंटाईन वीक तर संपला आहे. आता या आठवड्यात काय करताय? वेळ मिळाला तर वीकेंडला फॅमिलीसोबत बसून हे मराठी सिनेमा पाहाच. शेवटचा पाहून तर तुम्ही रडाल आणि आईला जाऊन मिठी माराल. फॅमिलीसोबत बसून पाहायलाच हवे असे सध्याचे ट्रेडिंग मराठी सिनेमे कोणते आहेत पाहूयात.

व्हेंटिलेटर - हा सिनेमा तुम्ही ZEE5 वर पाहू शकता.  राजेश मापुस्कर दिग्दर्शित आणि प्रियांका चोप्रा जोनास निर्मित व्हेंटिलेटर हा एकाच दिवसात, रुग्णालयात घडणाऱ्या घटनांभोवती फिरतो. आयुष्याची नश्वरता समोर येताच एका मोठ्या कुटुंबातील जुने वाद उफाळतात, विसरलेली नाती पुन्हा जुळतात आणि कितीही दूर गेलो तरी कुटुंब आपल्याला पुन्हा जवळ ओढून आणते हे हळुवारपणे अधोरेखित करण्यात आलं आहे. शेवटपर्यंत हा सिनेमा डोळ्यात पाणी आणतो.

एलिझाबेथ एकादशी - हा सिनेमा देखील ZEE5 वर पाहण्यासाठी उपलब्ध आहे. ही उबदार आणि हृदयाला भिडणारी कथा आहे. एका लहान मुलाची आणि त्याच्या विधवा आईची गोष्ट. जे त्यांच्या दिवंगत वडिलांची एक मौल्यवान आठवण जपण्यासाठी धडपडतात. त्यातून त्याग, निरागसता आणि वयापेक्षा जास्त प्रगल्भ भावनिक समज दाखवणारे नातेसंबंध उलगडतात. एकत्र येऊन संकटांचा सामना करताना कुटुंबाला मिळणारी ताकद हा चित्रपट सुंदररीत्या मांडतो.

नटसम्राट तुम्ही Netflix वर पाहू शकता. नाना पाटेकर यांच्या भारदस्त अभिनयाने सजलेला नटसम्राट वृद्धत्व आणि बदलत्या कौटुंबिक नात्यांची कटू वास्तवता उघड करतो. निवृत्त रंगभूमी कलाकार दुर्लक्ष आणि भावनिक उपेक्षेला सामोरा जातो तेव्हा माणसाला आपल्या कुटुंबातही सन्मान, आत्मसन्मान आणि आपलेपणाची गरज किती मूलभूत असते हे या सिनेमा खोलवर मांडण्यात आलं आहे.

किल्ला - हा देखील एक सुंदर सिनेमा आहे. जो ZEE5 वर तुम्ही पाहू शकता.  किल्ला हा वैयक्तिक दुःखानंतर आई आणि तिचा लहान मुलगा नव्या शहरात नवं आयुष्य सुरू करतात. बदलानंतर आलेली एकाकी भावना, वाढत्या वयाची गोंधळलेली अवस्था आणि पालकांकडून मिळणारा शांत आधार. हा सिनेमा अंतरंग, आत्मपरीक्षण करणारा आणि वास्तवादी आहे.

उत्तर - प्रेम, दुरावा आणि पुन्हा जुळणाऱ्या नात्यांची हृदयस्पर्शी कथा पाहा रेणुका शहाणे यांच्या प्रभावी अभिनयासह उत्तर आता सिनेमा तुम्ही ZEE5 वर पाहू शकता.  उपलब्ध आहे. रेणुका शहाणे आणि अभिनय बेर्डे यांच्या प्रमुख भूमिका असलेला उत्तर एका आयुष्य बदलून टाकणाऱ्या घटनेचा कुटुंबावर होणारा भावनिक परिणाम दाखवतो. घटना स्वतःपेक्षा तिच्या पडसादांवर अपराधभावना, शांतता, वेदना आणि हळूहळू सुरू होणाऱ्या जखम भरून येण्याच्या प्रक्रियेवर सिनेमा लक्ष केंद्रित करतो.

बाहेरून सावरलेली दिसणारी पण आतून तुटत चाललेली स्त्री रेणूका शहाणे यांनी अत्यंत संयमाने साकारली आहे. प्रेम, गमावणं आणि पुन्हा जवळ येणं यांचा हा भावनिक प्रवास या सिनेमात आहे. हा सिनेमा प्रत्येक आई-मुलाने पाहायला हवा. सिनेमा पाहिल्यानंतर तुम्ही तुमच्या आईला मिठी मारल्याशिवाय राहणार नाही.