Thackeray Alliance : एक पॉडकास्ट अन् जवळ आले दोघे भाऊ, राऊतच नाही तर या मराठी अभिनेत्याचाही मोठा रोल

मुंबईत महानगरपालिका निवडणुकींच्या तोंडावर राजकीय वर्तुळात मोठी घडामोड घडली. शिवसेना ठाकरे पटाचे पक्षप्रमुख उद्धव ठाकरे आणि मनसे अध्यक्ष राज ठाकरे यांच्या युतीची घोषणा करण्यात आली. युतीची घोषणा करण्यासाठी उद्धव ठाकरे राज ठाकरे यांचं निवसास्थान असलेल्या शीवतीर्थावर पोहोचले. ठाकरे बंधूंची युती मुंबई आणि महाराष्ट्राच्या राजकारणातील मोठी घडामोड ठरली आहे.

राज आणि उद्धव ठाकरे एकत्र यावेत ही अनेक वर्षांची लाखो शिवसैनिकांची आणि मनसैनिकांची इच्छा होती. आगमी निवडणुकांच्या रणधुमाळीत ही इच्छा अखेर पूर्ण झाली. ठाकरे बंधुंच्या मनोमीलनात खासदान संजय राऊत यांचा मोठा वाटा आहे. ठाकरे बंधूंना एकत्र आणण्यातच त्यांनी मोठी जबाबदारी पार पाडली.

युतीची घोषणा झाल्यानंतर दोन्ही ठाकरे बंधूंनी पत्रकार परिषद घेत संवाद साधला. यावेळी राज आणि उद्धव ठाकरे यांनी संबोधित करताना म्हटलं, "आम्ही एकत्र आलोय ते एकत्र राहण्यासाठी आलो आहोत. मुंबईला महाराष्ट्रापासून दुर करणाऱ्यांचा राजकीय खात्मा करण्यासाठी आम्ही आलो आहोत."

उद्धव ठाकरे यांच्यानंतर राज ठाकरे यांनीही माइक हातात घेतला आणि ठाकरे बंधूंच्या एकत्र येण्यामागचा खरा सूत्रधारच सांगून टाकला. राज ठाकरे म्हणाले, "जे काय बाकी बोलायचं आहे ते जाहीरसभा सुरू होतील तेव्हा बोलू."

"माझी एक मुलाखत झाली होती. मी मुद्दामा आठवण करून देतो. त्या मुलाखतीत मी म्हणालो होतो की, कोणत्याही वादापेक्षा आणि भांडणापेक्षा महाराष्ट्र मोठा आहे. मला असं वाटतं की आज आम्ही एकत्र येण्याची सुरुवात त्या वाक्यापासून झाली."

राज ठाकरे यांनी बोलताना ज्या मुलाखतीचा उल्लेख केला ती मुलाखती अभिनेते, दिग्दर्शक, निर्माते महेश मांजरेकर यांनी घेतली होती. महेश मांजरेकर यांनी काही महिन्यांआधीच त्यांचं युट्यूब चॅनेल सुरू केलं होतं. Wacko Sanity या त्यांच्या युट्यूब चॅनलवर त्यांनी राज ठाकरे यांची मुलाखत घेतली होती. या मुलाखीत बोलताना त्यांनी "कोणत्याही वादापेक्षा आणि भांडणापेक्षा महाराष्ट्र मोठा आहे", हे वक्तव्य केलं होतं.

राज ठाकरे आणि महेश मांजरेकर एकमेकांचे खूप खास मित्र आहेत. महेश मांजरेकर यांनी अनेकदा राज ठाकरे यांच्यासोबतच्या मैत्रीवर भाष्य केलं होतं.  "कोणतं साल उजाडेल तेव्हा मुंबईतला मराठी माणूस नाहीसा होईल", असा प्रश्नही महेश मांजरेकर यांनी राज ठाकरे यांनी विचारला होता.

संजय राऊत यांच्याबरोबरच महेश मांजरेकर यांचा पॉडकास्टही राज ठाकरे आणि उद्धव ठाकरे एकत्र येण्यामागे कारणीभूत ठरला.