मी वासनेने भरलेली, दारू, ड्रग्ज घेणारी...; लेडी सुपरस्टारचं बेधडक वक्तव्य; चाहत्यांची झोपच उडाली

बॉलिवूड इंडस्ट्रीतील ज्येष्ठ अभिनेत्री रेखा यांनी हिंदी सिनेसृष्टीत आपली वेगळी ओळख निर्माण केली आहे. आज वयाच्या 70 व्या वर्षीही रेखा सातत्याने चर्चेत असतात. काही सेलिब्रिटी आपलं वैयक्तिक आयुष्य सर्वांपासून लपवतात. पण रेखा मात्र बेधडकपणे भाष्य करताना दिसून येतात.

बेधडकपणे वक्तव्य करताना रेखा यांना कधीच कोणत्या गोष्टीची भीती वाटत नाही. त्यांची प्रत्येक गोष्ट आजही चाहत्यांना थक्क करते.

सिमी गारेवालचा रेंडेवू या शोच्या माध्यमातून नेहमीच बॉलिवूड स्टार्सचे गुपित सर्वांसमोर उघड होतात. या शोमध्ये रेखांनी आपल्या आयुष्याचे काळे पान उघडले. ही गोष्ट अनेक वर्षांपूर्वीची असली तरी आजही व्हायरल होत आहे.

रेखा यांनी सिमीच्या शोमध्ये कबूल केले की त्यांनी दारूच्या मैफिली रंगवल्या, ड्रग्जही घेतले. तसेच त्यांनी स्वतःला वाईट म्हटले. त्यांच्या या बेधडकपणामुळे चाहते पडले.

रेखा यांनी सांगितले की, आयुष्यात पडणे आणि पुन्हा उभे राहणे ही अत्यंत सर्वसामान्य गोष्ट आहे. पण पुढे त्यांनी आपल्या आयुष्याला “घाणेरडे” म्हटले. दारू पिणे आणि ड्रग्ज घेणे त्यांनी लपवले नाही, उलट खुल्या मनाने स्वीकारले. त्या काळात हे अत्यंत धाडसी पाऊल होते.

रेखा यांची प्रतिमा चाहत्यांमध्ये नेहमीच स्वच्छ राहिली, पण अखेर चाहत्यांना त्यांनी सत्य सांगितले. अमिताभ बच्चनवरील प्रेमाची कबुलीही दिली. त्यांनी सांगितले की, “ते विवाहित होते, पण माझ्या मनातून कधी गेले नाहीत.” विनोद मेहरा आणि मुकेश अग्रवालसोबतच्या लग्नाबाबतही त्यांनी भाष्य केलं. त्यांचे आयुष्य नेहमीच वादांनी वेढलेले राहिले. रेखांनी प्री-मॅरिटल सेक्स आणि वासना याला सामान्य म्हटले. त्या काळात या वक्तव्याने प्रचंड खळबळ माजवली. महिलांच्या स्वातंत्र्यावर प्रश्न उपस्थित झाले.

रेखा यांनी सांगितले की, स्टारडमच्या मागे एक माणूसही असतो. त्यांच्या या गोष्टी आजही सोशल मीडियावर व्हायरल होतात. रेखांच्या उमराव जान आणि खूबसूरत या चित्रपटांचा आजही चाहता वर्ग आहे. वयाच्या 13 व्या वर्षी त्यांनी मनोरंजनसृष्टीत पदार्पण केलं होतं. त्यांच्या सौंदर्याने आणि अभिनयाने सगळ्यांना वेड लावले.