रिंकू राजगुरू खचल्यावर या खास व्यक्तीला करते पहिला फोन, आर्चीने स्वत: च सांगितलं

रिंकू राजगुरू मराठी मनोरंजनसृष्टीतील आघाडीची अभिनेत्री आहे. अनेक दर्जेदार चित्रपटांत तिने आपल्या अभिनयाची छाप पाडली आहे. 'सैराट' या चित्रपटाच्या माध्यमातून रिंकूने वयाच्या 16 व्या वर्षी इंडस्ट्रीत पदार्पण केलं. 'सैराट'नंतरही विविध धाटणीच्या, वेगवेगळ्या विषयांवर भाष्य करणाऱ्या चित्रपटांच्या माध्यमातून रिंकू प्रेक्षकांच्या भेटीला येत गेली.

रिंकू राजगुरू आज एक सेलिब्रिटी असली तरीदेखील वैयक्तिक आणि व्यावसायिक आयुष्यात तिला अनेक अडचणींचा सामना करावा लागतो. नुकतंच एका मुलाखतीत सर्वांच्या लाडक्या आर्चीने खचल्यावर काय करते याबाबत भाष्य केलं आहे.

रिंकू राजगुरू म्हणाली,"मी खचल्यावर आईला फोन करते. सर्वकाही आईला सांगते. किंवा मग मी एकटी बसते. त्या डाऊनफॉलमध्ये रमण्यापेक्षा माझ्याकडे करायला आणखी काय गोष्टी आहेत याचा मी त्यावेळी विचार करते".

रिंकू राजगुरू पुढे म्हणाली,"अवतीभोवती असणाऱ्या सकारात्मक गोष्टींचा मी जास्त विचार करते. खचल्यावर जसा माणूस रडतो तसं मीदेखील रडते. शांत बसते. पण मी सतत ते चिघळत बसत नाही".

आपल्या स्ट्रगलबाबत बोलताना रिंकू म्हणाली,"आता जे कमावलं आहे ते टिकवून ठेवण्याचं स्ट्रगल माझं सुरू आहे. किंवा आपण जे चांगलं काम केलंय ते लोकांपर्यंत काय पद्धतीने पोहोचवायचं याचा स्ट्रगल सुरू आहे. लोकांच्या माझ्याबद्दलच्या प्रतिमा मी कशा ब्रेक करू शकते असा माझा स्ट्रगल सुरू आहे".

सकाळसोबत बोलताना रिंकू राजगुरू म्हणाली,"मला अजूनपर्यंत तरी आव्हानात्मक काम मिळालं नाही". भविष्यात काही चॅलेजिंग काम मिळावं, अशी इच्छा रिंकूने व्यक्त केली.

रिंकू राजगुरूचा आगामी 'आशा' हा बहुचर्चित चित्रपट 12 डिसेंबर 2025 रोजी थिएटरमध्ये प्रदर्शित होणार आहे. रिंकूच्या या आगामी चित्रपटाकडून प्रेक्षकांच्या खूप अपेक्षा आहेत.