नंबर दिला अन् घात झाला, व्यापाऱ्याची तब्बल 8400000 रुपयांची फसवणूक, काय केलं?
Last Updated:
Ulhasnagar Crime News : उल्हासनगरातील अनेक व्यापाऱ्यांच्या जीएसटी क्रमांकाचा गैरवापर करून तब्बल 84 लाखांची फसवणूक करण्यात आली
उल्हासनगर : गेल्या काही दिवसांपासून विविध ऑनलाईन फसवणूकीचे प्रकार समोर येत आहे. सध्या असाच एक धक्कादायक प्रकार उल्हासनगरात घडलेला आहे. जिथे जीएसटी क्रमांकाचा गैरवापर करून अनेक व्यापारांची तब्बल 84 लाखांची फसवणूक करण्यात आली. अहमदाबादहून कपडा आणून देण्याचे आमिष दाखवून आरोपीने व्यापाऱ्यांच्या नावाने माल मागवला आणि तो स्वतःच विक्री केल्याचे उघड झाले.
नेमकं प्रकरण तरी काय?
उल्हासनगर कॅम्प-5 येथील व्यापारी कमल सुरेशलाल केशवाणी यांच्यासह अनेक व्यापाऱ्यांची तब्बल 84 लाख 12 हजारांची फसवणूक झाल्याचा प्रकार उघडकीस आला आहे. तरुण बुलचंदाणी या व्यक्तीने अहमदाबादहून कमिशनवर कपडा आणून देण्याचे आमिष दाखवून सर्व व्यापाऱ्यांना विश्वासात घेतले. पण प्रत्यक्षात त्याने कोणत्याही व्यापाऱ्याकडून ऑर्डर न घेता त्यांच्या जीएसटी नंबरचा गैरवापर केला.
advertisement
बुलचंदाणीने केशवाणी यांच्या अनिता टेक्स्टाइल, दीपक आहुजा यांचे परफेक्ट गारमेंट, प्रदीप आहुजा यांचे जीएम फॅब्रिक, सुरेशलाल केशवाणी यांचे आरती ट्रेडर्स, विजय आहुजा यांचे श्रीहरी टेक्स्टाइल, रमेश बलराजन यांचे नारायण फॅब्रिक या संस्थांचे जीएसटी नंबर वापरून अहमदाबादमधील पी.एस.के. डेनिम प्रायव्हेट लिमिटेड या कंपनीकडून मोठ्या प्रमाणात कपड्यांचा माल मागवला.
हा कपड्यांचा साठा व्यापाऱ्यांच्या नावावर मागवला असला तरी बुलचंदाणीने तो स्वतःकडे ठेवून इतरांकडे विकला. पी.एस.के. डेनिममधूनच त्याने 47 लाख 14 हजार 507 रुपयांचा माल घेऊन विक्री केल्याचा आरोप आहे. ही संपूर्ण फसवणूक सप्टेंबर 2024 ते सप्टेंबर 2025 या एका वर्षात करण्यात आली. या प्रकरणी बुलचंदाणीवर हिललाइन पोलिस ठाण्यात गुन्हा दाखल करण्यात आला असून पुढील तपास सुरू आहे.
Location :
Mumbai,Maharashtra
First Published :
Dec 10, 2025 12:35 PM IST
मराठी बातम्या/Kalyan Dombivli/
नंबर दिला अन् घात झाला, व्यापाऱ्याची तब्बल 8400000 रुपयांची फसवणूक, काय केलं?
