Surya Gochar 2025: त्रास सहन करण्यास तयार राहा! 16 डिसेंबरपासून महिनाभर या राशींना संकटे-अडचणी

सूर्याच्या धनु राशीतील गोचरामुळे 7 राशींच्या जीवनावर नकारात्मक परिणाम होण्याची शक्यता आहे, परंतु या लोकांनी संयमाने काम करणे आवश्यक आहे, अन्यथा नवीन वर्षाच्या 14 दिवसांमध्ये आरोग्य, धन आणि संबंधांमध्ये हानी होण्याची शक्यता आहे.

वृषभ - कुटुंबातील लोकांवर आपला राग काढू नका. स्वतःला इतरांपासून दूर ठेवण्याचा प्रयत्न करा आणि तुमचा राग शांत करण्यासाठी वेळ काढा. समस्या दूर ठेवण्याचा तुमचा प्रयत्न असूनही जीवनात काही अनपेक्षित समस्या येऊ शकतात, त्यामुळे सावध राहून योग्य समजुतीने समस्या सोडवण्याचा वृषभेला सल्ला दिला जातोय.

मिथुन - सूर्य मिथुन राशीच्या जन्मकुंडलीतील सातव्या भावात गोचर करत आहे. जीवनसाथीसोबतच्या तुमच्या संबंधांमध्ये अनपेक्षित समस्या निर्माण होऊ शकतात. तुमच्या जोडीदारासोबत वाद होण्याची शक्यता आहे. तुम्हाला जास्त प्रतिक्रिया न देण्याचा सल्ला दिला जातो. तुम्ही तुमच्या भावनांवर नियंत्रण ठेवून आणि व्यावहारिक दृष्टिकोन ठेवून परिस्थिती हाताळा.

कन्या - शक्तिशाली सूर्य कन्या राशीच्या जन्मकुंडलीतील चौथ्या भावात गोचर करत आहे. कुटुंबातील एखाद्या जवळच्या व्यक्तिच्या निधनाची दुःखद बातमी मिळण्याची शक्यता आहे. कुटुंबातील वृद्धांच्या आरोग्यामुळे तुम्ही मानसिक तणावात असाल. सूर्याचे धनु राशीतील गोचर तुमच्या वैयक्तिक बाबींमध्ये अडचणी आणेल.

वृश्चिक - उदार आणि ऊर्जावान सूर्य वृश्चिक राशीच्या जन्मकुंडलीतील दुसऱ्या भावात गोचर करत आहे. या गोचरादरम्यान कोणताही मोठा किंवा महत्त्वाचा धोका पत्करण्यापूर्वी सर्व तपशीलांचे मूल्यांकन करा आणि आहे ती परिस्थिती कायम ठेवण्याचा प्रयत्न करा. आर्थिक लाभात वाढ होण्याची शक्यता आहे. तथापि, तुम्हाला तुमच्या वाढत्या खर्चांवरही लक्ष ठेवण्याची गरज आहे.

धनु - धनु राशीत सूर्य येत आहे. संशोधन कार्यातील लोकांना त्यांच्या कामात खूप हळू प्रगती दिसेल. तुमच्या वैवाहिक जीवनात काही समस्या येऊ शकतात. तुम्हाला तुमच्या जीवनसाथीसोबतच्या संबंधांवर विशेष लक्ष देण्याची आवश्यकता असेल. या गोचरादरम्यान तुम्हाला तुमच्या आरोग्यालाही अत्यंत महत्त्व द्यावे लागेल.

मकर - सूर्य गोचरादरम्यान मकर राशीच्या लोकांना अनपेक्षित खर्चांमुळे आश्चर्य वाटू शकते. पैसे वाचवणे शहाणपणाचे ठरेल. तुम्ही अनावश्यक कायदेशीर कटकटीत अडकू शकता. तुमच्या मुलांवर लक्ष द्या आणि त्यांच्याशी वेळ द्या. यामुळे तुम्ही त्यांच्या अधिक जवळ याल. शारीरिक दुखापत होण्याची शक्यता आहे, म्हणून वाहन चालवताना किंवा रस्त्यावर चालताना सावधगिरी बाळगण्याचा सल्ला दिला जातोय.

मीन - सूर्य गोचरादरम्यान मीन राशीच्या लोकांना ताण आणि मानसिक असंतोष जाणवेल. सर्व नियोजित कामे प्रामाणिकपणा आणि निष्ठेने पूर्ण करा. प्रेमसंबंधात असलेल्या लोकांना भावनिक बाबींमध्ये सावधगिरी बाळगण्याची गरज आहे. पायाशी संबंधित समस्या येण्याची शक्यता आहे. तुम्हाला तुमच्या आरोग्याची काळजी घेण्याचा सल्ला दिला जातो. कौटुंबिक बाबींमध्ये अशांतता येण्याची शक्यता आहे.(सूचना : येथे दिलेली माहिती ज्योतिषीय ज्ञानावर आधारित आहे. याला कोणताही शास्त्रीय पुरावा नाही. न्यूज 18 मराठी त्याची हमी देत नाही.)