Riteish Deshmukh Fees : 22 वर्षांचं करिअर, 60 हून अधिक सिनेमात काम, एका फिल्मसाठी किती पैसे घेतो रितेश देशमुख?

अभिनेता रितेश देशमुखचा राजा शिवाजी हा लवकरच प्रेक्षकांच्या भेटीला येत आहे. या सिनेमाचं शूटींग सुरू असून सिनेमासाठी प्रेक्षकांची उत्सुकता दाखवली. आधी वेड आणि त्यानंतर आता छत्रपती शिवाजी महाराजांवर आधारित सिनेमामुळे एक वेगळा रितेश देशमुख प्रेक्षकांना पाहायला मिळाला.

मराठमोळा रितेश देशमुख गेली अनेक वर्ष बॉलिवूड सिनेमांमध्ये काम करतोय. 'तुझे मेरी कसम' या सिनेमातून त्याने बॉलिवूडमध्ये डेब्यू केला. 'मस्ती', 'क्या कूल हैं हम', 'ब्लफमास्टर', 'मालामाल वीकली', 'हे बेबी', 'धमाल', 'हाऊसफुल', 'डबल धमाल', 'क्या सुपर कूल है हम', 'एक विलेन' अशा अनेक हिंदी सिनेमात रितेशनं काम केलं आहे.

'लई भारी' या सिनेमाच्या निमित्तानं अभिनेता रितेश देशमुखनं मराठी सिनेसृष्टीत पाऊल ठेवलं. त्याआधी त्याने 'बालक पालक' या मराठी सिनेमात निर्माता म्हणून डेब्यू केला. त्यानंतर 'लई भारी' सिनेमातून तो अभिनेता म्हणून समोर आला. त्यानंतर त्याची निर्मिती, दिग्दर्शन आणि अभिनय असलेला 'वेड' हा सिनेमा प्रेक्षकांच्या भेटीला आणला. हा सिनेमात मराठीतील सर्वाधिक कमाई करणाऱ्या सिनेमांच्या यादीत तिसरा सिनेमा ठरला.

जवळपास 22 हून अधिक वर्ष रितेश देशमुख सिनेमात काम करतोय. त्याने बिग बॉस मराठीचा पाचवा सीझन देखील होस्ट केला. त्यातही त्याला खूप प्रेम मिळालं. इतके वर्ष इंडस्ट्रीत काम करणारा रितेश देशमुख एका सिनेमासाठी किती पैसे घेतो माहितीये?

रितेश देशमुख सह मल्टिस्टारर असलेल्या मस्ती या फ्रेंचायसी सिनेमाचा चौथा पार्ट नुकताच रिलीज झाला आहे. मस्ती 4 ला प्रेक्षक कसा प्रतिसाद देत आहेत हे पाहणं इंट्रेस्टिंग ठरणार आहे.

'मस्ती 4' या सिनेमात रितेश देशमुखने मुख्य अभिनेत्याची भूमिका साकारली आहे. मिडिया रिपोर्टनुसार, रितेशने या सिनेमासाठी जवळपास 5-6 कोटी रुपये मानधन घेतलं आहे.

रितेशचा 'रेड 2' हा सिनेमा देखील काही महिन्यांआधी रिलीज झाला. या सिनेमासाठी रितेशनं 4 कोटी मानधन घेतल्याचं बोललं जात आहे. तर मराठी बिग बॉसचा पाचवा सीझन रितेशने होस्ट केला होता. या सीझनच्या प्रत्येक एपिसोडसाठी रितेशनं जवळपास 25-30 लाख रुपये मानधन घेतल्याचं बोललं जात. याबाबत रितेशनं अधिकृत माहिती दिलेली नाही.