नाकातून रक्त कसं येतं? 'दुनियादारी'च्या 12 वर्षांनी अखेर स्वप्निल जोशीने सांगूनच टाकलं

मराठी सिनेमातील कल्ट क्लासिक सिनेमांपैकी एक सिनेमा म्हणजे 'दुनियादारी'. संजय जाधव दिग्दर्शित दुनियादारी सिनेमानं प्रेक्षकांची जिंकली. सिनेमा रिलीज होऊन 12 वर्ष झाली मात्र आजही सिनेमा आणि सिनेमातील पात्र प्रेक्षकांच्या लक्षात आहेत. दुनियादारीमधील एक फेमस पात्र म्हणजे श्रेयस.

अभिनेता स्वप्निल जोशीनं श्रेयस ही भूमिका साकारली होती. स्वप्निल संपूर्ण सिनेमात महत्त्वाच्या भूमिकेत होता. सिनेमाचा स्टार्ट टू एंड स्वप्निल जोशीच्या भूमिकेनं महत्त्वाची कामगिरी बजावली होती.

सिनेमात सगळ्यांच्या यारो का यार असलेला श्रेयस आणि शेवटच्या सीनमध्ये त्याच्या नाकातून आलेलं रक्त काही प्रेक्षक विसरलेले नाहीत.  अभिनेता स्वप्निल जोशीला आजही सर नाकातून रक्त काढून दाखवा असं म्हणत ट्रोल केलं जातं. स्वप्निल देखील या कमेंट गंमतीत घेतो.

नुकत्याच एका कार्यक्रमात स्वप्निलला नाकातून रक्त कसं येतं असा प्रश्न विचारण्यात आला. या प्रश्नाचं स्वप्निल असं काही उत्तर दिलं की सर्वत्र एकच हशा पिकला.

स्वप्निलला विचारण्यात आलं की, नाकातून रक्त कसं येतं? हा प्रश्न ऐकल्यानंतर स्वप्निल जोशी खूप हसला. उत्तर देत तो म्हणाला, "नाकातून रक्त मी काढत नाही. मला साइन करणारे निर्माते काढतात."

स्वप्निलचं उत्तर ऐकून प्रश्न विचारणाऱ्याचीही बोलती बंद झाली. याआधीही स्वप्निलनं नाकातून रक्त काढून दाखवा यावरून होणाऱ्या ट्रोलिंगवर उत्तर दिलं होतं.

स्वप्निल ट्रोलिंगवर म्हणाला होता, "दहापेक्षा अधिक वर्ष झाली दुनियादारीला. 2 मिनिटांचा जमाना आहे. मॅगी सुद्धा 2 मिनिटात बनते. तिथे जर 15 वर्ष जुनी एक आठवण काल परवा इतकी ताजी होत असेल तर त्या चित्रपटाने तरूणाईवर किती मोठा इम्पॅक्ट केला असेल. जेव्हा जेव्हा मला कोणी म्हणत की नाकातून रक्त काढून दाखव तेव्हा तेव्हा मला आठवत की दुनियादारी किती मोठा हिट होता"

स्वप्निल जोशीच्या सध्याच्या वर्कफ्रंटबद्दल सांगायचं झाल्यास तो रंगभूमीवर पाऊल ठेवतोय. 'लग्न पंचमी' हे त्याचं नवं नाटक प्रेक्षकांच्या भेटीला येत आहे. अभिनेत्री अमृता खानविलकर याच त्याच्याबरोबर प्रमुख भूमिकेत आहे.