प्रभासच्या या फिल्मने Dhurandhar ला टाकलंय मागे, ओपनिंग डेला केला हा रेकॉर्ड

प्रभासची हॉरर-कॉमेडी फिल्म ‘द राजासाब’ अखेर शुक्रवारी, 9 जानेवारी रोजी थिएटरमध्ये प्रदर्शित झाली. मारुती दिग्दर्शित या चित्रपटाने रिलीजपूर्वीच जोरदार चर्चा निर्माण केली होती, ज्यामुळे 2026 मधील प्रभासच्या पहिल्याच चित्रपटाने प्रेक्षकांवर छाप पाडली आहे.

‘धुरंधर’ बॉक्स ऑफिसवर धुमाकूळ घालत असताना ‘द राजासाब’ला पहिल्या दिवशी काही प्रामाणिक चाहत्यांचा आणि प्री-रिलीज चर्चेचा मोठा फायदा झाला. भारताच्या पहिल्या पॅन-इंडिया सुपरस्टारच्या या चित्रपटाने ओपनिंग डे ला बॉक्स ऑफिसवर ‘धुरंधर’ला टक्कर देत नवा विक्रम आपल्या नावे कोरला आहे.

अ‍ॅडव्हान्स बुकिंग आणि प्रमोशनमुळे ‘द राजासाब’ने बॉक्स ऑफिसवर दमदार ओपनिंग केली. जरी हा प्रभासच्या कारकिर्दीतील सर्वाधिक पहिल्या दिवशी कमाई करणारा चित्रपट ठरला नसला, तरी त्याची सुरुवात अत्यंत चांगली झाली आहे.

'द राजासाब'ला वर्ड-ऑफ-माउथचाही फायदा मिळत आहे. पहिल्याच दिवशी ‘द राजासाब’ने 54 कोटी रुपये कमावले. प्री-रिलीज बिझनेस धरून एकूण कलेक्शन आता 63.3 कोटी रुपये झाले आहे.

दुसरीकडे, रणवीर सिंहच्या ‘धुरंधर’ने पहिल्या दिवशी फक्त 28 कोटी रुपये कमावले होते. हॉरर-कॉमेडी प्रकारासाठी ही ओपनिंग अत्यंत चांगली मानली जात असून, पुढील दिवसांतही चित्रपटाची कमाई वाढण्याची अपेक्षा आहे.

‘द राजासाब’ची कथा प्रेक्षकांच्या मनाला भिडली आहे. 'द राजासाब' या फिल्ममध्ये प्रभाससोबत संजय दत्त महत्त्वाच्या भूमिकेत दिसतो. याशिवाय जरीना वहाब, बोमन इराणी, मालविका मोहनन, निधी अग्रवाल आणि रिद्धी कुमार हे कलाकारही प्रमुख भूमिकांमध्ये आहेत.

‘द राजासाब’ ही आंध्र प्रदेशातील एका दुर्गम गावात आजीसोबत राहणाऱ्या एका तरुणाची कथा आहे. अल्झायमरने ग्रस्त असलेली गंगा देवी आपल्या पती कणकराजा (संजय दत्त) यांना पुन्हा भेटू इच्छिते, कारण तिचा ठाम विश्वास आहे की ते एखाद्या मिशनवर गेले आहेत. जेव्हा राजासाबला आपल्या आजोबांसारखा दिसणारा एक माणूस भेटतो, तेव्हा तो त्या वृद्ध जोडप्याला पुन्हा एकत्र आणण्यासाठी प्रवासाला निघतो. या प्रवासात अनेक भावनिक क्षण आणि थरारक सुपरनॅचरल ट्विस्ट पाहायला मिळतात.