प्रभू शेळकेचं खरं वय किती? उंची आणि शरीरयष्टी पाहून नेटकरी बुचकळ्यात; अखेर काळू डॉनचाच मोठा खुलासा

मुंबई: 'बिग बॉस मराठी ६' च्या घरात सध्या एकाच नावाची हवा आहे, ती म्हणजे प्रभू शेळके! आपल्या अस्सल कोल्हापुरी ठसक्याने आणि रांगड्या अंदाजाने प्रभूने पहिल्याच दिवसापासून प्रेक्षकांची मनं जिंकली आहेत.

सोशल मीडियावर "चिकन लेग पीस" खातानाचा त्याचा तो प्रसिद्ध डायलॉग लोकांच्या ओठांवर आहे. पण सध्या प्रभूच्या खेळापेक्षा जास्त चर्चा रंगली आहे ती त्याच्या 'वयाची'. प्रभू नक्की किती वर्षांचा आहे? हा प्रश्न सध्या टॉप सर्चमध्ये आहे.

प्रभू शेळके हा प्रवास सोपा नव्हता. शालेय आणि महाविद्यालयीन शिक्षण घेत असतानाच प्रभूने रंगभूमीवर काम करायला सुरुवात केली. नाटक आणि छोट्या-मोठ्या स्टेज शोमधून त्याने अभिनयाचे धडे गिरवले. मात्र, त्याला खरी ओळख मिळवून दिली ती सोशल मीडियाने. आज त्याचा चाहतावर्ग इतका मोठा आहे की, त्याच्या एन्ट्रीनेच या सीझनचा टीआरपी वाढेल अशी चर्चा आहे.

एका साध्या कंटेंट क्रिएटरपासून सुरू झालेला प्रभू आज लाखो रुपयांचा मालक आहे. त्याची अंदाजे संपत्ती (Net Worth) ५० ते ८० लाख रुपयांच्या घरात असल्याचं बोललं जातं.

ब्रँड कोलाबोरेशन, सोशल मीडियावरील जाहिरातींमधूनही त्याची मोठी कमाई होते. बिग बॉस या मोठ्या शोसाठी त्याला प्रति आठवडा चांगलं मानधन मिळत आहे. राज्यभरात होणाऱ्या विविध कार्यक्रमांसाठी प्रभूला विशेष निमंत्रण दिलं जातं.

प्रभूची तब्येत, त्याची उंची आणि त्याचा चेहरा पाहिला तर तो एखादा लहान मुलगा वाटतो. मात्र, त्याचा आत्मविश्वास आणि संवादफेक एखाद्या अनुभवी कलाकारासारखी आहे. इंटरनेटवर प्रभूच्या वयाबद्दल कोणतीही अधिकृत माहिती उपलब्ध नाही. पण म्हणतात ना, 'बिग बॉस'च्या चाहत्यांपासून काहीही लपत नाही.

नुकताच या शोचा पहिला भाग प्रसारित होत आहे. यावेळी घरातील सदस्यांनी प्रभूला त्याचं वय विचारलं. तेव्हा स्वतः प्रभूने त्याचं खरं वय सांगितलं आहे. प्रभूने सांगितल्यानुसार नुकतंच त्याची १९ वर्षे पूर्ण झाली असून २० वं वर्ष सुरू झालं आहे. त्यावरून प्रभू २० वर्षांचा असल्याचं समजतंय.

प्रभूचा साधेपणा पाहून अनेकांना मागच्या पर्वातील विजेता सूरज चव्हाणची आठवण येत आहे. विशाल कोटियनसोबत झालेल्या वादात प्रभू ज्या पद्धतीने रडला, त्यानंतर घराबाहेर त्याच्याबद्दल सहानुभूतीची लाट उसळली आहे. तरीही, नेटकऱ्यांचा एक गट त्याला "दुसरा सूरज चव्हाण व्हायचा प्रयत्न नको" असा सल्लाही देत आहे.