किल्ले रायगड पर्यटकांसाठी इतके दिवस बंद, पायऱ्यांवरचा VIDEO व्हायरल झाल्यानंतर प्रशासनाचा मोठा निर्णय

गेल्या दोन दिवसांपासून कोकणासह रायगड जिल्ह्याला मुसळधार पावसाने झोडपले आहे. अनेक ठिकाणी ढगफुटी परिस्थीत निर्माण झालीय.

रायगड किल्ल्यावर तुफान पाऊस बरसल्याने अनेक पर्यटक आणि शिवभक्त वरून पडणाऱ्या पाण्यामुळे उतरताना पायऱ्यांवर अडकून पडले असल्याचे दिसून आले.

रायगडावरून पाण्याचे मोठे प्रवाह वाहत असलेले व्हिडीओ व्हायरल होत आहेत. दरम्यान, आता कोणतीही दुर्घटना घडू नये यासाठी प्रशासनाने खबरदारी म्हणून रायगड किल्ला पर्यटनासाठी बंद केला आहे.

रायगड किल्ल्यावर पायी जाणारा चित्त दरवाजा व नाणे दरवाजा मार्ग बॅरीकेटिंग करून बंद करण्यात आला आहे. पोलीस बंदोबस्त नेमण्यात आला आहे.

सद्यस्थितीत किल्ले रायगडावर असलेले पर्यटक यांना रोपवेने गड उतार करण्यात येत आहे. रोप वे प्रशासनाकडून रोपवे किल्ल्यावर जाण्यासाठी बंद करण्यात आला आहे .  31 जुलैपर्यंत कुणीही रायगड किल्यावर जाऊ नये असे आवाहन स्थानिक प्रशासनाने केले आहे.