Dhantrayodashi Rituals : धनत्रयोदशीला 'या' 5 वस्तू घरी आणा, देवी लक्ष्मीच्या कृपेने संपत्तीची होईल भरभराट!
- Published by:Pooja Jagtap
- local18
Last Updated:
What to buy on Dhantrayodashi : पाच दिवसांच्या दिवाळी सणामध्ये धनत्रयोदशीच्या दिवस खूप कळस असतो. या दिवशी सोने आणि चांदी खरेदी करणे शुभ मानले जाते. परंतु तुमचे बजेट नसेल किंवा सोने चांदी खरेदी करण्याची इच्छा नसेल तर तुम्ही काही इतर वस्तू खरेदी करू शकता. चला पाहूया कोणत्या वस्तू धनत्रयोदशीला खरेदी करणे शुभ मानले जाते.
पितळेची भांडी : पितळेला भगवान धन्वंतरीचे प्रतीक मानले जाते. धनत्रयोदशीला पितळेचे भांडे खरेदी करून घरात ठेवल्याने आरोग्य, सौभाग्य आणि संपत्ती तेरापट वाढते असे मानले जाते.
advertisement
पिवळ्या रंगाच्या कवड्या : कवड्या देवी लक्ष्मीशी संबंधित मानल्या जातात. धनत्रयोदशीला कवड्या खरेदी कराव्यात. जर त्या आधीच रंगलेल्या नसतील तर त्यांना हळदीने रंगवा. दिवाळीच्या रात्री देवी लक्ष्मीची पूजा केल्यानंतर या कवड्या तुमच्या तिजोरीत ठेवा. असे केल्याने घरात सतत पैशाचा प्रवाह राहतो.
advertisement
गोमती चक्र : गोमती चक्र खूप पवित्र आणि चमत्कारिक मानले जातात. धनत्रयोदशीला ११ गोमती चक्र खरेदी करा, त्यांना लाल कपड्यात बांधा आणि तुमच्या तिजोरीत ठेवा. असे केल्याने आर्थिक अडचणी दूर होतात आणि तुमची आर्थिक परिस्थिती मजबूत होते.
advertisement
नवीन झाडू : धनत्रयोदशीला नवीन झाडू खरेदी करणे खूप शुभ मानले जाते. ते देवी लक्ष्मीचे प्रतीक मानले जाते. असे मानले जाते की, नवीन झाडू घरातील गरिबी दूर करते, सुख आणि समृद्धी आणते. हा झाडू घरी आणण्यापूर्वी आणि वापरण्यापूर्वी त्याची पूजा करावी.
advertisement
धणे : धात्रयोदशीच्या दिवशी धणे खरेदी करणे आणि ते देवी लक्ष्मीला अर्पण करणे शुभ मानले जाते. धणे हे संपत्तीचे प्रतीक देखील मानले जाते. पूजेनंतर हे धने तुमच्या तिजोरीत किंवा देवी लक्ष्मीच्या ठिकाणी ठेवल्याने घरात स्थिरता आणि समृद्धी येते.
advertisement
